Serokê Hevbendiya Niştimanî ya hêzên şoreş û rikberiya Sûriyê, Abdul Rehman Mistefa, tekez kir ku êrişên terorîstî yên li ser deverên deşta bakurê Helebê dibin, armanc ji wan belavkirina tirsê û têkbirina ewlehî û aramiyê ye li wan deverên aram yên ji bo parastina sivîlan.
Serokê Hevbendiyê dît ku tişta dibe “Nîşana bêkêrî û tinebûna bijardeyan e li pêşiya piştgirên terorê”, û tekez kir ku “Vîna xelkê Sûriyê dê berdewam be, li ser rêya ber bi azadiyê û sizakirina hemû sûcdar û tawanbaran, û ti kes di guhertina riya pêkanîna armancên şoreşê de ser nakeve “, û diyar kir ku “Azadîxwazên Sûriyê dê bikaribin aştiyê li welat pêk bînin û şerê terorê bikin “.
Û tekez kir ku “Divê tawankarî li dijî xelkê Sûriyê raweste “, û diyar kir ku Hevbendiya Niştimanî ligel artêşa azad dê bi hemû karînên xwe kar bike, ji bo “Dadgehkirina piştgirên terorê û paşmayên wê”.
Hevdem ku duhî zincîrek ji êrîşên terorîstî li ser gund û bajarên bakurê Helebê hatin pêkanîn, û bûne sedema mirina çend kesên sivîl û bi dehan kes birîndar bûn, tevlî ziyana madî li avahiyên derdorê, û çalakvanan diyar kir ku yek ji qurbaniyan keçeke 12 salî ya bi navê “Nûr Ceblawî” bû, û bi navê “firoşkara Biskotan” li bajarê Izaz dihat binavkirin.
Hevbendiya Niştimanî îro di daxuyaniya xwe de, zincîra êrişên terorîstî şermezar kir, û bal kişand ku ” Ev teqînên terorîstî û tawankarî, xwezaya hêzên terorîst nîşan didin, ji bo belavkirina tevliheviyê, ku çi alternatîfekî nabînin ji bilî belavkirina tirsê û têkbirina ewlehî û aramiyê li van deverên ku sîvîl têde hatine parastin”.
Û daxwaz ji civaka navnetewî kir ku bi berpirsiyariya xwe ya ji bo parastina ewlehiyê û bicihkirina biryarên navnetewî rabe, ji ber ku ev yek take rê ye ji bo ku xelkê Sûriyê bikaribin ji bo welatê xwe aştiyê peyda bikin, û li dijî hemû reng û coreyên terorê rabin.
Jêder: Ofîsa Ragihandina Hevbendiya Niştimanî ya Sûriyê
