Serokê Hevbendiya Niştimanî ya Sûrî Salim Elmislit, gefên rijêma Esed ji xelkê Siwêdayê re di dema xwepêşandanên berfireh yên ku roja yekşema bûrî li siwêda derketibûn, ku gotibû ew dê bajêr bişewtîne, şermezar kirin, û tekez kir ku rijêma Esed tiştekî ji rêbaza leşkerî ya xwîndar pêve nizane, û çendî dem bibûre jî ew rêbaza xwe naguhere.
Û Elmislit bal kişand ser ku herdem rijêma Esed bersiva metingên nerazîbûnê bi guleyan dide, her weha bi şandina kesinan ji aliyê xwe ve daku tevlî metingan bibin, û wan ji riya wan derînin û wan bişêwînin.
Û Elmislit rêzgirtin ji xelkê wêrek yên Siweydayê û Cebel Elereb yên ku dijî hêzên rijêma Esed û dezgehên ewlekariyê derketin diyar kir, û tekezî li ser daxwazên wan ên rûxandina rijêma Esed û bidestxistina jiyaneke azad û bi rûmet kir.
Û rojnameya Enab Beladî ya xwecihî, îro sêşemê, li ser zarê Fehed Elbel’ûs, kurê damezrênerê tevgera “Mêrên Rûmetê”, Şêx Wehîd Elbel’ûs, ragihand ku Serokê Dezgeha Îstixbarata Hêza Asîmanî lîwa Gesan Îsmaîl, gefên şewitandinê li “Mêvangeha Keramê” û “Şêxîtiya Hişimendiyê” li parêzgeha Siwêdayê xwarine.
Û ev gef hevdem bûn li gel metingên nerazîbûnê yên roja yekşema bûrî yên ku li bajêr qewimîne hatin, û xwepêşanderan dirûşma “gel daxwaza hilweşandina rijêmê dike” bilind kirin, û têkçûna rewşa jiyanê û nekarîna rijêmê ji dabînkirina pêdiviyên xelkê ji alavên germkirin û elktirîk û xizmetguzariyên kelûpelên bingehîn şermezar kirin.
Û têde xwepêşander rûbirûyî hêzên rijêmê yên ku di avahiya navenda polîsan de bûn, û gulleyên zindî ber bi wan ve hatin berdan, û di encamê de du kes hatin kuştin û bi dehan jî birîndar bûn.
Jêder: Ofîsa Ragihandinê ya Hevbendiya Niştimanî ya Sûrî
