Hevrêzkarê Desteya Karûbarên Penaberan ya Hevbendiya Niştimanî ya Sûrî Selîm Idrîs, dît ku tiştê ku penaber di dema derbasbûna sînorê Bulgaristanê de rastiyê tên berovajî prensîpa pabendbûna dewletan bi mukumkirin û xurtkirina mîkanîzmayên parastina xelkê di dema veguhastina wan de ye.
Û Idrîs got ku rûbirûbûna koçberên ku ji bo mafê penaberiyê qesta dewletên Ewropayê kirine û rastî guleyên zindî ji aliyê zêrevanên sînorî yên Bulgaristanê ve hatine, ne şayistî kiryarên zêrevanên dewletên girêdayî Yekîtiya Ewropayê ye, ya ku berevaniyê di ber mafên mirovan de dike û kar li ser parastina wan mafan dike.
Û Idrîs daxwaz ji welatên penaber têre derbas dibin kir ku penaberên ji zordariya rijêmeke tawankar a ku bi darê zorê desthilatdariyê dike direvin biparêze, ne ku bi awayên dijminane danûstandinê bi wan re bike.
Û medyaya dewletê biyanî ragihandibûn ku ciwanekî Sûrî rastî guleyên zindî hatibû û kirî jiyana xwe ji dest daba, di dema hewldana derbaskirina sînorê Tirkiya û Bulgaristanê li gel girûpek ji koçberên ku daxwaza penaberbûna dewletên Ewropî dikirin.
Û Girûpa Kar ji bo Filistîniyên Sûriyê, diyar kir ku penaberin ji filistîniyên sûrî li ser sînorê Bulgarîstanê dema ku dixwestin xwe bigihînin dewletên Yekîtiya Ewropa rastî binpêkirinan li ser sînorê Bulgaristanê hatin.
Û rapora Girûpê diyar kir ku penaxwaz rastî lêdana tund a bi daran li ser destê hêzên sînorî yên Bulgaristanê hatin, her weha gule û kûçik ji bo tirsandina wan bikar anîn, û leşkeran hemû tiştên wan ên kesane, di nav de telefonên berîkan, çente û cil û berg ji wan standin.
Hêjayî gotinê ye ku penaber di dema derbasbûna xwe bo dewletên Yekîtiya Ewropa de rastî zehmetiyên mezin tên, û carinan dibe sedema mirina wan ji ber fetisîna di avan de û qezayên dema derbasbûna di nav daristanan re, û bi ser de bikaranîna hêza zêde gelek caran ji aliyê zêrevanên sînoran ve li dijî wan
Jêder: Ofîsa Ragihandinê ya Hevbendiya Niştimanî ya Sûrî
