Hevbendiya Nitimanî ya Sûrî gelê sûriyê di roja bîranîna Raperîna Adara sala 2004an de yaku sûriyên kurd vêxistine silav kir, ew serhildana ku ji bajarê Qamişlo dest pê kiribû û gihiştibû Amûdê û Efrîn û Heleb û ta Şamê.
Û Hevbendiya Niştimanî di daxwiyaniyeke rojnamevanî de got ku bi dehan pakrewan ji lawên sûriyê bi guleyên endamên asayîşê û hêzên rijêmê ketin, rijêma ku herdem bizav dikir daku tevna civakê jihev bixe, û gelaciyê di navbera xelkê welêt de belav bike, û bi sedan ji wan bûn girtiyên şaxên asayîşên rijêmê û di girtîgehan de bi meh û salan rastî îşkencedan û tirsê hatin.
Û Hevbendiya Niştimanî dît ku Raperîna 2004 semboleke diyar bû, û nîşana giyanê ku di dilê sûriyan de lê dide bû, û êşa rasteqîn yaku têde dijiyan salix dida, û sitemkariya ku rastê dihatin, û hezkirina azadî û rizgarbûna ji stemkariyê eşkere dikir.
Û daxwiyaniya Hevbendiyê bal kişand ser ku xwespartina gule û kuştinê dijî sîngên tazî , ji wê demê de, bijardeya rijêmê bû, û di roja dî de karwanê ku pakrewan rakiribûn hate armanckirin, daku welatiyan bitirsînin û sawê têxin dilê kesên beşdarî raperînê bûne.
Û Hevbendiya Niştimanî careke dî tekezî li ser nirxên azadî û hevwelatîbûnê û giringiya xurtkirina baweriyê di navbera tevaya gelê sûrî de kir, bo ku pirensîpên şoreşa sûriyê ya gewre biparêze, û pabendiyê bi pirojeyeke niştimanî yê tevayî bike, û ji bo avakirina dewleteke sivîl û demoqrat bixebite, daku mafên hemû welatiyan di çarçoveya misogerkirina yekîtiya sûriyê de bi xak û miletê wê ve biparêze.
Jêder: Ofîsa Ragihandinê ya Hevbendiya Niştimanî ya Sûrî
