Hevbendiya Niştimanî ya Sûrî nûkirina armanckirina deverên rizgarkirî ji hêla rijêma Esed û Rusya ve bi mûşekên balafirên cengê û topavêjan û armanckirina deverên Idlib û Helebê hevdem li gel gera 20emîn a danûstandinên Asîtanayê şermezar kir, û dît ku ev yek jiyana bimilyonan Sûriyên li wan deveran tevî rewşa mirovî ya xerab a bêhtirê malbatan dixe bin gefê de.
Û Hevbendiya Niştimanî ya Sûrî di daxwiyaniyeke xwe de derbarê nûkirina bombebarana Rusya û rijêma Esed li ser deverên rizgarkirî, got ku gelê Sûriyê bi tena serê xwe rûbirûyî amûra cengê ya Rusya ye, ya ku piştgiriya rijêma Esed dike.
Û daxwiyaniya Hevbendiya Niştimanî got ku gel ji berî bêhtir ji 12 salan de tê kuştin û bombebarankirin, bêyî hewildanên rasteqîn bo rawestandina rijandina xwîna wî, û rawestandina rijêma Esed, û xebata ji bo dadgehkirina wê.
Û Hevbendiya Niştimanî bal kişand ser ku rijêma Esed û hevalbendên wê baweriyê bi çi çareseriyeke siyasî ya ku Sûriyê ji trajediya wê rizgar bike nayinin, û rêbaza leşkerî berdewam dikin, di dema nebûna vîna cîbicîkirina biryarên navdewletî yên ku li ser li hev kirine de, û di pêşî de biryara 2254 û pêkanîna veguhastina siyasî û dadpirsîna rijêma Esed li ser bihezaran tawanên ku pêk anîne.
Jêder: Ofîsa Ragihandinê ya Hevbendiya Niştimanî ya Sûrî
