Hevbendiya Niştimanî ya hêzên şoreş û rikberiya Sûriyê di daxuyaniyekê de da zanîn ku Pêşveçûnên rojane yên li ser erdê, diyar dikin ku em li pêşberî şerekî berfireh ê tewankarî yê giştî ne, ne bi tenê sûcên şer yan binpêkirinên cuda cuda ne.
Hevbendiya Niştimanî di daxuyaniya xwe de got ku em li pêşberî zincîrek ji kiryarên tawankarî yên rêxistinkirî û bimebest tên, ku piştrast dikin ku gelê Sûrî li hember hevpeymanek terorîstî ya navneteweyî ne, hewla qirkirina Sûriyan dide, û wêrankirina çavkaniyên wan û koçberkirina gelek nifşên wan bi carekî.
Hevbendiya Niştimanî got ku binpêkirinên rejîmê û şerê wê û piştgiriya terorê, her ji destpêkê ve bi awayekî rêkûpêk û sîstematîk bû, û bêdengiya navnetewî ya beramberî wê bê guman têkçûyînek exlaqî ye.
Hevbendiya Niştimanî dît ku bêdengiya navnetewî ya beramberî wê, bê guman, têkçûyînek exlaqî ye, bi ramana berdewamiya tinebûna yasayê û berpirsiyariyê, ku têde tewan dibin yasa, û dê ji bo paşeroja herêmê û dinyayê bihayên giran hebin, û bal kişand ku daxuyaniyên dijî-terorê derew in û nayên bawerkirin.
Hevbendiya Niştimanî tekez kir ku dewletên qirêj, tawanbaran diparêzin, tawanên wan vedişêrin, û beşdarî tawanan dibin, civaka navdewletî ji berpirsiyariya xwe rizgar nabe, û tê xwestin ku Netewên Yekbûyî jî bi berpirsiyarên xwe rabe, ji bo girtina biryarên pratîkî ji bo rawestandina projeya kuştin, hilweşandin û koçberkirinê bi carekî, ji ber ku biryar û yasa nehatine pêkanîn, û yasa ji xwe ve nayên bicîh anîn, lewra ji endamên çalak tê xwestin ku berpirsyariyên xwe li hember parastina sivîlan bilez bi cih bînin, û darizandina kesên gunehbar û bicihanîna biryarên Encumena Ewlekariyê.
Tê zanîn ku duh çend êrîşên asîmanî û bejahî li ser deverên başûr û başûrê rojhilatê parêzgeha Idlib hatin pêkanîn, di çarçoveya şerekî terorîstî yê berdewam û bi mebest de li ser deverên niştecîhan, û armanckirina bazaran bi awayekî giran, ku bûye sedema kuştin û birîndarbûna hejmarek ji sivîlan.
Jêder: Ofisa Ragihandina Hevbendiya Niştimani ya Sûrî
