Hevbendiya Niştimanî kiryarên tolhildan û bêserûberiyê yên piştî tewana devera “Bşirrî” li Libnanê derketine holê şermezar kir, û tekez kir ku tiştên bûne encama yekser e ji têkçûna hikûmetê di danûstandina bi bûyerê re, û wê hişt ku dozeke takekesî û teng bibe qeyraneke nû.
Û di daxwiyaniyeke rojnemevanî de Hevbendiya Niştimanî got ku di dema em şermezariya tawana dermafê welatiyê Libnanî bûye tekez dikin, û daxwaza lêpirsînên zelal bo kifişkirina sedemên pê ve girêdayî dikin, em di heman demê de redkirina xwe ji çi armanckirina koçberên Sûrî li Libnanê û qewtandina wan ji cihên lê rûniştine û şewitandina tişt û kelûpelên wan tekez dikin.
Hevbendiya Niştimamî sistbûna desthilatên Libnanî li gel gotara nefret û handana li ser dijîtiyê ya ku bandora wê dighê koçberên Sûrî ji aliyê hin kesayetan ve şermezar kir, û dît ku her yek tevlî wan kiryaran bibe ew li pêşiya yasayê berpisyar e, û beşdar e di her tiştê kirêt û binpêkirinên ku penaber û koçberên Sûrî rastî wan tên de.
Hevbendiya Niştimanî hişyarî ji metirsiyên van kêşeyan û gengaziya berdewamî û mezinbûna wê da civaka navdewletî, nemaze ku bêserûberî û tunebûna yasayê û lewaziya rola navdewletî dê derfetê bide bikaranîna siyasî ji aliyên ku piroblêmê gur dikin û dixwazin bûyerê ji asta tewanên kesayetî derxînin.
Û daxwiyaniya Hevbendiyê bal kişand ser ku Sûrî dê di demeke nêz de vegerin welatê xwe, û dît ku cîbicîkirina biryarên navdewletî û veguhestina siyasî û derketina milîsên Hizbullah a terrorist sedemên sereke bûn ku welatiyên Sûrî koçber bibin, û cîbicîlirina wan biryaran mercên xwezeyî ne bo vegera ewle û rûmetdar bo wan penaberan.
Û Hevbendiya Niştimanî bal kişand ser ku ji nêz de û di riya rêvebiriya karûbarê penaberan û ofîsên pispor têde pêşketinên rewşa li Libnanê dişopîne, û sipasiyên xwe bo gelê Libnanê û hêzên Libnanî yên li kêlek Sûriyan rawestiyane nemaze kesayet û rayedarên li ser parastina penaberên Sûrî dixebitin anî ziman.
Jêder: Ofîsa Ragihandinê ya Hevbendiya Niştimanî ya Sûrî
