Serokê Hevbendiya Niştimanî ya Sûrî, Salim Elmislit, nameyek arasteyî heft dewletan û Girûpa Biçûk û yekîtiya Ewropa û Komkara Erebî û Tirkiyê û Qeter û Kiwêt kir, derbarê dorpêçkirina rijêmê li Deraa û hewldanên serdegirtinê yên ji roja sêşemê de dibin.
Û Elmislit diyar kir ku karên dijminkarî yên rijêma Esed û Rûsiya û Îranê li ser bajarê Deraa piştî heyvekê ji dorpêçkirinê û pejrandina mercên Rûsiya û Rijêmê ji aliyê xelkê deverê ve gurtir bûye, û bal kişand ser ku rijêmê rêkeftina xwe binpê kir, û hêzên rijêmê ji sibeha roja sêşemê de dest bi bombebarana taxên bajêr kirin, û di encamê de du kes şehîd ketin, û bi dehan jî birîndar bûn, û bi ser de hejmarek mezin ji malbatan derbider bûn.
Û Elmislit hişyarî ji siyaseta rijêmê û piştgirên wê ya rêbazkirî di pêkanîna komelkujiyan û karên tolhildanê piştî serdegirtinê da, ew jî dibe ku bandorin bobelatî di warê mirovahî de li ser jin û zarok û xelkên sivîl çêbike, her weha li ser pêşeroja pirosesa siyasî û aştiyê li Sûriyê û deverê.
Û Elmislit daxwaza şermezarkirina karên dijminkarî yên Rûsiya û Îranê li ser Deraa û Cebel Elzawiyê û deverên dîtir kir, û xwest ku karekî cidî bo hilanîna dorpêçkirinê bibe, û êrîşên rijêmê rawestin û agirbest bête sepandin, û rêşûnên çalak derînin daku bihêlin pabendî bi biryarên navdewletî bibe, daku têde rizgarkirina Sûriyan û parastina wan misoger bibe, û rêşûnên sizakirinê bistînin daku yên tawan pêk anîne ji cezayan rizgar nebin.
Û han da li ser kar û hilgirtina berpisyariyê derbarê parastina nişteciyan ji qirkirinê û tawanên cengê û tawanên dijî mirovahiyê yên pêk tên.
Û cextî li ser piştgiriya xebatên rêya siyasî kir, daku bighêje pêkanîna veguhestina siyasî, û rê nedin rijêmê ku careke din ji kar bixe, li gel nerîna ku çareya ji kok de li sûriyê divê bighêje çareya siyasî di riya cîbicîkirina daxwiyaniya Cinêvê û biryarên Encûmena Ewlekariyê re nemaze herdu biryarên 2118 û 2254 û biryarên civata giştî û jê 626/67.
Jêder: Ofîsa Ragihandinê ya Hevbendiya Niştimanî ya Sûrî
