Emîndarê Giştî yê Hevbendiya Niştimanî ya Sûrî, Heysem Rehmê, pesnê helwesta prensîpî ya dewleta Qeterê ji pirsa gelê Sûriyê da, û rola wê ya berçav li gel birayên din ên Ereb di nehiştina biserxistina rijêma Esed û venegerandina wê bo nav Komkara Erebî bilind nirxand.
Û Rehmê cextî li ser pêwîstiya dana kursiyê Sûriyê di Komkara Erebî de bo Hevbendiya Niştimanî kir, ji ber ku ew nûnerê rewa yê gelê Sûriyê ye, û ji hemû dewletên ereb xwest ku ji bo piştgiriya veguhestina siyasî ya berfireh li Sûriyê li gorî daxwiyaniya Cinêvê û biryarên 2118 û 2254 kar bikin.
Tê zanîn ku berdevkê Wezareta Derve ya Qeterê Majid Elensarî, di şiroveya rojnamevanî ya heftane ya ku Wezareta Derve ya Qeterê rêxistin dike de, tekez kir ku helwesta welatê wî ji rijêma Esed nehatiye guhertin.
Û Elensarî diyar kir ku sedemên rawestandina endamtiya Sûriyê di Komkara Erebî de hîn jî berdewam in, û bal kişand ser ku eger çareseriyeke siyasî ya rasteqîn çênebe,helwesta Qeterê ji vê mijarê nayê guhertin.
Û berê jî Mîrê Qeterê Şêx Temîm Bin Hemed Al Sanî, di hevpeyvînekê de li gel Kovara Fransî Labuan, di nîvê îlona 2022an de, piştrast kiribû ku biryara dûrxistina Sûriyê ji Komkara Dewletên Ereb ji ber sedemên rasteqîn bû, û ew sedem hîn nehatine guhertin.
Û Şêx Temîm weha bal kişand ser ku helwesta Qeterê ji doza Sûriyê nehatiye guherin: “Gelo cîhan neçar e li ser pejirandina serokekî zordar ê ku komkujî dijî gelê xwe pêk anîne û bimilyonan ji wan koçber kirine wek ku çawa rijêma Esed li Sûriyê kiriye?”
Jêder: Ofîsa Ragihandinê ya Hevbendiya Niştimanî ya Sûrî
