Hevbendiya Niştimanî ya Sûrî bi amadebûna D. Nesir Elherîrî, pêşwaziya şêwermendê siyasî di Wezareta Derve ya Firansa de, Fabrice Desploshan, kir, û sipasiyên xwe jêre li ser hevkarî û hevrêziya ku pê rabûye di dema karê xwe de di xizmeta bercewendiyên hevbeş ên herdû welatan pêşkêş kirin.
Û amadebûyan dawîtirîn pêşhatên meydanî û siyasî berçav kirin, û Serokê Hevbendiya Niştimanî li ser dema dawîn yaku Fabrice Desploshan têde hebû axifî, û bal kişand ser ku di wê qonaxê de pêşveçûnek di warê têkliyên di navbera Hevbendiya Niştimanî û Firansa de çêbû.
Û Serokê Hevbendiya Niştimanî tekezî li ser rola girîng yaku Firansa di doseya Sûrîyê de pê rabûye kir, nemaze piştgiriya wê ya hêzdar ji pirosesa siyasî re, û gihîştina çareya siyasî ya rewa li gorî biryara 2254 û pêkanîna veguhestina demoqrasî.
Û Elherîrî eşkere kir ku rijêm hîn ne cidî ye di pirosesa siyasî de, û bi piştgirên xwe re li ser sepandina çareya leşkerî ya xwîndar dixebite, û bal kişand ser fêlbaziyên rijêmê û xebatên wê li ser paşxistina karê Komîteya Destûrî.
Û bal kişand ser giringiya vekirina rêyên din li gel karê Komîteya Destûrî, û tekez kir ku Komîteya Destûrî ne dawîya çareyê ye, lê ew dergeheke ji bo çalakkirina pirosesa siyasî û cîbicîkirina biryara 2254.
Û ji aliyê xwe ve Hevrêzkarê Ofîsa Têkliyên Derve di Hevbendiya Niştimanî de Ebdulehed Istêfo tekezî li ser rola erênî û hêja ya ku Balyoz Fabrice Desploshan pê rabûye kir, û Istêfo got ku “balyoz Desploshan asteke bilind ji hevkariyê derbarê doza gelê Sûriyê pêşkêş kir, û me di riya karê wî re dilsozî û hezkirina wî ji Sûriyan re dît” û pêşveçûn û serkeftin jê re di karê wî yê dahatî de xwest.
Ji aliyê xwe ve Fabrice Desploshan tekezî li ser berdewamiya piştgiriya welatê xwe ji doza gelê Sûrî re ji bo pêkanîna hêvîyên wî yên rewa û azadî û rûmetê kir, û cext kir ku çareya siyasî ya li gorî biryara 2254 takeçare ye li Sûriyê.
Jêder: Ofîsa Ragihandinê ya Hevbendiya Niştimanî ya Sûrî
