Endamê Desteya Siyasî ya Hevbendiya Niştimanî ya Sûrî, Ebdulbasit Ebdulletîf, tekez kir ku rijêma Esed û hevalbendên wê, li kêleka milîsên PYDe yên terorîst in, di êrîş û dijminkariya li dijî deverên ku serî hildane û tawan û kiryarên wan milîsan ên li dijî sivîlan red kirine.
Û Ebdulletîf tekez kir ku hevkariyeke eşkere di navbera hêzên rijêmê û hevalbendên wê û milîsên PYDe yên terorîst de heye, ji ber ku ew bi dorê deverên sivîlan li rojhilatê Ferêt û gundewarê Helebê bombebaran dikin, ji bo ku rê li pêşiya hêzên şoreşger ên ku tawan û kiryarên terorîstî yên ku ew milîs li dijî sivîlan pêk tînin red dikin bigirin.
Û Ebdulletîf amaje bi wê yekê kir ku hevkariya rijêma Esed û hevalbendên wê bi milîsên PYDe yên terorîst re, armancin wê yên diyar hene, ew jî hewildana têkbirina tevna civaka Sûriyê ye, û jiberhevxistina ala şoreşê û lawazkirina wê ji bo ku desthilata zordar berdewam bike.
Û Duh yekşemê danê sibê, gundê Til Elhewa li nêzîkî bajarokê Elraî, li rojhilatê gundewarê Helebê, rastî êrişên bi mûşekan ji deverên kontirolkirina hevbeş ya hêzên rijêmê û milîsên PYDe yên terrorist hat, û di encamê de zarokek birîndar bû, û li gorî Berevaniya Sivîl, hin sivîlan ew zarok rakirin nexweşxaneyê.
Tê zanîn ku pênc zarok hatin kuştin, û şeş kesên din ku jinek û mêrek ji heman malbatê di nav wan de birîndar bûn, di encama topbarandina deverên di bin kontirolkirina hêzên rijêmê û milîsên PYDe yên terorîst de, di 1ê vê heyva Îlonê de, li ser gundê Elmuhsinlî li navçeya Cerabilus rojhilatê gundewarê Helebê.Jêder: Ofîsa Ragihandinê ya Hevbendiya Niştimanî ya Sûrî
