Hevrêzkarê Ofîsa Karûbarê Penaberan ya Hevbendiya Niştimanî ya Sûrî, Selîm Idrîs, hişyarî ji gengaziya bobelateke nû da, ya ku dibe bi serê giropeke penaxwazên Sûrî li Yonanistanê di nav de jin û zarok hene were, û bal kişand ser wê yekê ku dibe ew jiyana xwe ji dest bidin, eger ku alîkariyê bilez bi wan re nebe.
Û Idrîs got ku Ofîsa Karûbarê Penaberan zanyariyin wergirtin têde hat ku desthilatên Yonanistanê binpêkirineke nû ya mafên mirovan û yasayên têkildarî penaxwazan pêk anîn, û dema di 14/7/2023an de giropek ji penaxwazên ku gihiştine ser xaka wê vegerandin giraveke Yonanistanê ya ku di nîvê çema Evros da ye, çemê ku bi pêlên xwe yên mezin û kûr naskirî ye, û ava wî nayê vexwarin.
Û zanyariyên bal kişandine, penaxwazên li wê girava dûr hatine girtin zêdetir ji pêncî kesî ne, û bidehan jin û zarok di nav wan de hene, û hindik maye ku jiyana xwe ji dest bidin, tevî hebûna biryarekê ji hêla Dadgeha Ewropî ve ya ku di dîroka 2/8/2023an de derketiye û Yonanistanê pabend dike ku wan derbasî xaka xwe bike.
Û Idrîs kiryara desthilatên Yonanistanê yên berûvajî tevaya yasa û urfên navdewletî û asaytirîn mafên mirovan şermezar kir, û tevaya berpisyariyê hilda ser milê Yonanistanê eger tişt bi serê wan sûriyan were.
Û Idrîs ji tevaya alî û Saziyên Navnetewî û Navdewletî nemaze Emîndarê Giştî yê Netewên Yekbûyî û Saziya Xaça Sor ya Navdewletî û Komîseriya Bilind ya Karûbarên Penaberan û Saziya Xaça Sor ya Yonanistanê û saziyên mafên mirovan û tevaya rêxistinên mafên mirovan li Ewropayê bi taybet û li cîhanê bi giştî, daxwaza destwerdana yekser li bal desthilatên Yonanistanê kir, ji bo ku wan ji wê tengasiyê rizgar bikin, û bilez alîkariyên xwarinê û yên bizîşkî di zûtirîn dem de ji wan re pêşkêş bikin, da ku wan ji mirinê rizgar bikin.
Jêder: Ofîsa Ragihandinê ya Hevbendiya Niştimanî ya Sûrî
