Berpirsiyarekî Hevbendiya Niştimanî ya Hêzên Şoreşê û Rikberiya Sûriyê tekez kir ko Îran binpêkirinin nû derheqê zarokên Sûriyê pêk tîne, û dibîne ko ew tevlî zincîra dirêj a tawankariyên cengê dibe, ewên milîtanên Îranî yên tirorist derheqê sivîlan pêk tînin, çi kuştin be an wêrankirin û guherîna dîmugrafî be.
Razgirê desteya siyasî ya Hevbendiya Niştimanî Riyad Elhesen tekez kir ko Tehran dixwaze li gund û bajarokên Dêra Zorê zarokan fêrî zimanê farisî bike, û dibîne ko ew çanda xwe ya mezhebî feriz dike.
Elhesen dibîne ko Îran dixwaze dagîrkirina xwe ji Sûriyê re bicih bike, piştî hest bû ku metirsî li ser hebûna wê ya leşkerî heye, û bêtir got ku Tehran dibîne ferizkirina çandê şêweyek nû ye bo amancên xwe misoger bike.
Di vê derbarê de alavên ragehandinê yên xwecihî anîne ziman ko 250 zarok ji Dêra Zorê tevlî dibistanên Îranî bûne ji bo fêrbûna zimanê farisî, û temenê zarokan ji 8 ta 15 salan e.
Û destnîşan kir ko Îran vê dawiyê sê dibistan li bajarê Ebû Kemal û dibistanek li Meyadîn bi kadirên Îranî vekirine.
Û got ku birêveberiya dibistanan 10hezar lîreyên Sûrî dide her zarokekî wek mûçeyê mehane bo biçin dibistanên wan, û her zarokekî fêrî zimanê farisî bibe dê pereyin baş bistîne.
Elhesen dibîne ko bi vê yekê Îran serê zarokan bi ramanên xwe yên mezhebperestî dadigire, ji bo bibin şervanên wan ên paşerojê, û ev tawankariyên cengê ne, û ji civaka navdewletî û rêkxistinên mafên mirovan û UNICEF daxwaz kir ko tawankariyên Îranê rawestînin.
Îran rewşa jiyanê ya aloz li gund û bajarên Dêra Zorê delîve dibîne, piştî zehmetkêşiya salan li ser destê rêjîma Esed û hovîtiya rêkxistina Daiş, û nivîsgehên tevlêbûna milîtanan bo (Lîwayê Qudis) vekirine.
Berê jî pêngavine mîna vê li Laziqiyê û bajarên perava Sûrî û li Şamê pêk anîne, ev dide xuyakirin ko Îran dixwaze çanda xwe feriz bike, piştî erêkirina rêjîma Esed li ser vekirina şaxên zankoya Azad ya Islamî ya Îranî li bajarên Sûriyê di heyva çileyê paşî de.
Jêder: Nivîsgeha Ragihandinê ya Hevbendiya Niştimanî
