Hevbendiya Niştimanî ya hêzên Şoreş û Rikberiya Sûrî, tekez kir ku rêjîma Esed di tewanên xwe yên dijî gelê Sûriyê di yekemîn rojên sala nû de berdewame, ji ber ku hêzên rêjîmê komkujîyek dermafê zarokên dibistaneke seretayî û dibistaneke pêşseretayî li bajarokê Sermîn li gundewarê Idlibê pêk anî.
Û Hevbendiyê di daxuyaniya xwe de ya ku duh êvarê derket, dît ku komkujîya ku tê de 9 ji sivîlan di nav de 5 zarok şehîd bûne, tewanbariyek hovane ye, û ew xelekek e ji zincîra gunehên ku rêjîma Esed li pêşîya civaka navdewletî pêk tînê.
Û Hevbendiyê bal kişand ser komkujîya dawîyê, û dît ku ew binpêkirinek aşkere ye ji biryarên navnetewî û yasaya navdewletî re, û li pêşîya çavên cîhanê dibe, bêyî ku serdarên cîhana azad şermezar bikin, an bi berpisyarî û erkê xwe derbarê sivîlan rabin.
Û Hevbendiyê di daxuyanîya xwe de got ku Civaka navdewletî zane çi li ser xakê dibe, û jê tê xwestin ku dest ji rola xwe ya nerênî ya rijêm wê wek roniyeke kesk ji bo berdewamiya tewanên xwe dibîne berde, û ji bo rawestandina vê helmeta hovane tevbigere, û li gor erkê xwe, çareseriyeke bilez a guncayî bi biryarên navdewletî re ferz bike.
Tê zanîn ku rêjîma Esed komkujîyek pêk anî, di encamê de 9 svîl ji wan 5 zarok şehîd ketin, her weha hejmarek birîndar ji şagirt û mamosteyên dibistanê di nav wan de hebûn.
Jêder: Ofîsa Ragihandinê ya Hevbendiya Niştimanî ya Sûrî
