Hevbendiya Niştimanî ya hêzên Şoreş û Rikberiya Sûrî, tekez kir ku Qasim Sulêmanî tewnbarê cengê bû, û dît ku kuştina wî dawîya yekî herî berz ji tewanbarên cengê ye, ji yên berpisyar di ber doseya tewanên cengê de li sûriyê û herêmê bi temamî.
Û Hevbendiya Niştimanî di daxuyaniya xwe de, dîyar kir ku Suleymanî yê terorîst serokatiya fermandarê Feyleqa Qudis yê beşek ji milîsên Pasdaran ên Iranî dikir, û beşdarî di pêkanîna komkujî û koçberkirina bi melyonan kes kir, û roleke wî ya mezin di gihandina rewşa niha li seranserî Sûrîyê hebû.
Û Hevbendiya Niştimanî got ku ji mafê bimilyonan Sûrî ye, hêvîyan li ser kuştin û dûrxistina wî ji meydanê ava bikin, weke destpêkekê ji dawîhatina milîsên mezhebî re.
Hevbendiya Niştimanî ji civaka navdewletî xwest ku berpirsyarîyên xwe derbarê tewan û tewanbaran di çarçoveyeke navnetewî û yasayî de hilgire, û daxwaza helwestan û kar jê kir, netenê bi şopandina hinek tewanbar û serdarên terorê û yên mîna wan, û xwest rûbrûbûneke rasteqîn û vebir ji rêjîmên terorist û dewletên alîkarên wan bibe, di heman demê de doseya tewanên li Sûrîyê dibin, bo Dadgeha Tewanbariyên Navdewletî bête hildan.
Tê zanîn ku Amerîka, sibeha îro înê, ragihand ku Qasim Suleymanî û cîgerê serokê milîsên Heşda Şeibî, Ebo Mihdî Mohendis, di operasyonekê de bi balefirên Emrîkî li firokxaneya Bexda ya navdewletî hatin kuştin, û Emrîka dît ku “ kuştina wî rêgirtin e li pêşiya pilanên Iranê yên paşerojê”.
Jêder: Ofîsa Ragihandinê ya Hevbendiya Niştimanî ya Sûrî
