Hevbendiya Niştimanî ya Sûrî piştgiriya xwe bo serhildana gelêrî ya berdewam li parêzgeha Siweyda ya li dijî rijêma Esed û siyasetên wê yên ku bûne sedema têkçûna rewşa jiyanê li parêzgehê û hemû deverên Sûriyê, anî ziman, piştî ku rijêmê çavkaniyên welêt radestî dagîrkerên ku ji bo kuştin û tepeserkirina gelê Sûriyê anîne kirin.
Û Hevbendiya Niştimanî di daxwiyaniyeke xwe de duh bal kişand ser bangên xelkên ku daxwaza ruxandina rijêma Esed kirine, tevî metirsiyên dezgehên ewlekariyê yên hov ên ku wan dorpêç dikin û bi awayekî rasterast destêwerdanê ji bo tepeserkirina xwepêşandanan dikin, daxwaza gelê Sûriyê bo azadî û rizgariya ji rijêma tawankar diyar dike, û tekez dike ku rijêma Esed nerewa ye û nûnertiya Sûriyan nake.
Û Hevbendiya Niştimanî ji civaka navdewletî xwest ku xwepêşandanên gelêrî li Siweydayê paşguh neke, û berepêkan û sistbûnê derbarê dosya Sûriyê rawestîne, û bizavê bi awayekî vebir û cidî bo pêkanîna veguhastina siyasî li gorî biryarên navdewletî bike.
Û Hevbendiya Niştimanî ji civaka navdewletî daxwaza rawestandina tirajîdiya gelê Sûriyê û pêkanîna hêviyên wî bo avakirina dewleta azadî û rûmetê dûrî rijêma Esed û sembolên wê kir.
Jêder: Ofîsa Ragihandinê ya Hevbendiya Niştimanî ya Sûrî
