Hevbendiya Niştimanî ya Sûrî, tiştê ku xwendekarên Sûrî li Libnanê rastiyê tên, yên bûne sedema rawestandina xwendina wan û bêparkirina wan ji yek ji mafên penaberan yên ku di yasa û peymanên navdewletî de hatine şermezar kir.
Û Hevbendiya Niştimanî di daxwiyaniyeke xwe de derbarê rawestandina hînkirina penaberên Sûrî li Libnanê, ji Hikûmeta Libnanê dixwaze ku ji biryara xwe ya rawestandina hînkirina penaberan di dibistanên fermî de vegere.
Û Hevbendiya Niştimanî di daxwiyaniya xwe de got ku biryara Hikûmeta Libnanê dibe sedem ku zêdetir ji nîv milyon zarokî ji mafekî xwe yê bingehîn bêpar bimînin, di dema ku alîkariyên navdewletî yên ji bo beşê perwerdeya penaberên Sûrî li Libnanê hatine terxankirin ta niha berdewam in, û rawestandina hînkirina wan di bin çi behaneyê de be an ji bo milmilaneyên navxweyî be, ne rewa ye.
Û Hevbendiya Niştimanî amaje bi wê yekê kir ku penaberiya Sûriyan ne bijardeyeke ji ber xwe ve bû, lêbelê piştî tawanên rijêma Esed û hevalbendên wê û milîsên mezhebî, û di pêşî de Hizbullaha Libnanî, dermafê gelê Sûriyê bû, bi riya girtin û bomebarankirinên ku xelk neçar kirin ku bajar û bajarokên xwe bihêlin.
Û Hevbendiya Niştimanî di daxwiyaniya xwe de bal kişand ser ku vegera penaberên Sûrî bi pêkanîna veguhastina siyasî li Sûriyê ve girêdayî ye, û ew daxwaza Hevbendiya Niştimanî ye, û Encûmena Ewlekariyê û Netewên Yekbûyî berpirsiyariya cîbicîkirina wê hildigrin.
Jêder: Ofîsa Ragihandinê ya Hevbendiya Niştimanî ya Sûrî
