Hevbendiya Niştimanî ya Sûrî ji Netewên yekbûyî û saziyên navdewletî daxwaza vegerîna qebareya sepetên xwarinê yên bo derbideran li tevaya deverên Sûrî pêşkêş dibin kir, û hişyarî ji bobelateke mirovahî di demeke nêzîk de da.
Û Endama Desteya Siyasî Selwa Eksoy diyar kir ku biryara Pirograma Cîhanî derbarê kêmkirina tiştên di sepeta xwarinê de yaku bo derbideran pêşkêş dikin bandorên wê yên neyînî li ser derbiderên bakurê Sûriyê nemaze yên di kampên bêserûber de dest pê bû.
Û got ku kêmbûna bersivdana pêdviyên derbideran nemaze kesên ku jiyana wan li ser alîkariyan e, dê bobelatekê çêbike, û xwest ku sepeta xwarinê weke berê vegere.
Û civaka navdewletî û dewletên erebî han dan ku beşdariyê di pêşkêşkirina piştgiriyê bo hewcedarên li Sûriyê dijîn bikin, çimkî alîkariyên mirovahî mafê derbider û penaberan e, û çênabe ku di bin bandora hin mijaran de be.
Û Rêvebirê Tîma Hevrêzkariya Bersivdanê li Sûriyê Mihemed Helac, ji rojnameya Elerebî Elcedîd re diyar kir ku piştguhkirina mezin û kêmbûna keresteyan bêhtir di kampên bêserûber de ye, û tenê bersivdana derdora 110 kampan ji 400 kampî çê bû, û 290 kampî sûde ji pirograma heyva remezanê bi carekê nedîtin.
Û tekez kir ku bêserûberî di karê saziyan de heye, ji ber ku dataya piştpêbestinî li ba wan tune ye, lewra dibe ku malbatek sepeteke xwarinê ji hejmarek ji saziyan werbigre, di dema ku belkî malbateke xizan nikaribe sepetekê jî werbigre.
Jêder: Ofîsa Ragihandinê ya Hevbendiya Niştimanî ya Sûrî