Serokê Hevbendiya Niştimanî ya Sûrî Salim Elmislit, du nameyên cuda arasteyî Sekreterê Giştî yê Netewên Yekbûyî Antonio Guterres, û Komîserê Bilind ê Netewên Yekbûyî bo Karûbarên Penaberan Fîlîpo Grandî, derbarê rewşa penaberên Sûrî li Libnanê û binpêkirinên ku ew li ser destên desthilatdarên Libnanî rastiyê tên, kirin.
Û Elmislit diyar kir ku penaberên Sûrî li Libnanê rastî gelek kêşeyan tên, ji ber kiryarên ku li dijî yasa û urfên navdewletî ne, wek girtina navendên tenduristiyê yên ku ji aliyê Sûriyan ve têne birêvebirin, ku bûye sedema bêparkirina penaberên Sûrî ji xizmetguzariyên guhdana tenduristî yên girîng, çimkî penaber neçar dibin ku ji bo dermankirinê berê xwe bidin nexwaşxaneyên Libnanî yên nirxekî giran ji pereyan distînin, ew jî dibe sedem ku nikaribin barê mesrefa wan nexweşxaneyan hilgirin.
Û Elmislit nerazîbûna xwe anî ziman ji Komîteya Sêalî ya ji bo çavdêriya rewşa aborî, ewlehî û civakî ya penaberan, ya ku ji Libnan û rijêma Esed û Komîseriya Bilind a Netewên Yekbûyî ya Karûbarê Penaberan pêk tê.
Û Elmislit got: Dibe ku destpêşxeriyên bi vî rengî bibin sedema xapandina raya giştî derbarê pabendbûna rijêmê bi çareserkirina kirîza penaberan, û tekezî li ser pêwîstiya çareserkirina sedemên bingehîn ên derbideriyê û berpirsyariya rijêmê û hevalbendên wê û milîsên Hizbullah di ber derdeseriyên ku bi milyonan Sûrî dikşînin kir.
Û Elmislit careka dî bibîr anî ku hebûna milîsên Hizbullah ya ku xakên penaberên Sûrî li gundewarê başûr û rojavayê Humsê û devera Qelemonê dagîr kirine û tevlî kiryarên terorîstî dibin, yek ji sedemên sereke yên ku rê li ber vegera penaberan digire, û ewlehî û jiyana wan dixe bin gefê de ye.
Û Elmislit daxwaza tevgereke lezgîn ji bo çareserkirina vê pirsgirêkê û misogerkirina vekişîna milîsan ji xaka Sûriyê û sizakirina wan li ser tawanên ku dermafê gelê Sûriyê pêk hatine, kir.
Û Elmislit bal kişand ser rewşa girtiyên Sûrî li Libnanê yên ku rastî şert û mercên giran û zêdebûna rêjeya mirinê tên, û got:Kesên girtî tevî hevalên xwe yên Libnanî di zîndanan de derdê zehmetiyên giran dikşînin, li gel pirsgirêkên tenduristî, tunebûna derman û xwarinê, û rêjeya mirin, nexweşî û kesên xwe dikujiin di nav wan de pir zêde bûye, û ev yek hewcedarî guhdaneke lezgîn e.
Û Serokê Hevbendiya Niştimanî li ser helmetên girtin û dersînorkirina miştûmir a ku alîgirên rijêma Esed û Hizbullah ên di nav amûrên ewlekariyê yên Libnanî de dermafê penaberên Sûrî rawestiya, û got ku desthilata Libnanî û amûrên ewlekariyê yên ku pirensîpa venegerandina kotekî û xistina bi sedên Sûriyan di bin metirsiya çewsandin eşkencekirinê de paşguh dikin.
Û Elmislit daxwaza rawestandina bilez a girtin û dersînorkirinê kir, ji ber ku ew binpêkirineke eşkere ji mafên mirovan re ye, her wiha hevkarî xwest ji bo dabînkirina belavkirina dadane ya alîkariyên mirovî li ser penaberên Sûrî li Libnanê.
Û ji Netewên Yekbûyî û Komîseriya Bilind a Netewên Yekbûyî bo Karûbarê Penaberan xwest ku saxlemî û ewlehiya penaberên Sûrî misoger bikin, di riya rawestana li hember vegerandina kotekî ya penaberên Sûrî û parastina rêbaza serbixwe di şopandina rewşa penaberan de, û dernexistina destpêşxeriyên ku dibe ku pabendiyên rijêmê derbarê cîbicîkirina biryarên navdewletî ji rê derînin re.
Herweha tekezî kir li ser pêwîstiya standina rêşûnên bilez ji bo rûbirûbûna hebûna milîsên Hizbullaha terorîst ya ku xaka penaberên Sûrî dagîr dike, û çareserkirina rewşa biêş û zêdebûna rêjeya mirina girtiyên Sûrî li Libnanê, û rawestandina binpêkirinên amûrên ewlekariyê yên Libnanî ji prensîpa venegerandina kotekî û hevkariya ji bo misogerkirina dabeşkirina dadane ya alîkariyên mirovî.
Jêder: Ofîsa Ragihandinê ya Hevbendiya Niştimanî ya Sûrî
