Desteya Giştî ya Hevbendiya Niştimanî ya Sûrî, civîna xwe ya 66emîn, ya ku bi kêliyeke bêdeng û xwendina Fatiheyê li ser giyanê qurbaniyên erdhejê û şehîdên şoreşa Sûrî dest pê kir, bi dawî kir.
û Serokê Hevbendiya Niştimanî Salim Elmislit, şiroveyeke siyasî pêşkêş kir, û raporên kar ên du heyvên bûrî tevî raporên Serokatiyê, Cîgiran û Emîndariya Giştî danîn pêşiya amadebûyan, û Elmislit anî ziman ku Hevbendiyê piştî erdhejê pêwendiyên derve pir kirin, da ku alîkariyên guncav bighînin Sûriyên ziyan dîtine.
Û Desteya Giştî behsa mijarên girêdayî dosya Sûriyê, pêşhatên navdewletî û helwestên pêwendîdar, pêşhatên siyasî û meydanî, karûbarên penaberan û dosya asayîkirina têkliyan ji aliyê hin dewletan ve li gel rijêma Esed û rêyên rûbirûbûna wê, kir.
Û Cîgirên Serok û Emîndarê Giştî kurteşiroveyên xwe, yên ku têde raporên karûbarên du heyvên bûrî pêşkêş kirine, berçav kirin, û Desteya Giştî raporên Hikûmeta Sûrî ya Demkî û Yekîneya Hevrêzkariya Piştgiriyê dîtin, û raporên deste, ofîs û rêvebirî, û nûnergehên Hevbendiyê hatin pêşkêşkirin, û li şiroveyên Desteya Danûstendinê ya Sûrî û Komîteya Destûrî û Sindoqa Qerzdanê guhdarî kir.
Û Serokê Desteya Danûstandinê ya Sûrî giringtirîn pêşhatên pirosesa siyasî û zincîra civînên ku Desteyê di heyama bûrî de bi nûnerên navdewletî re li dar xistibûn berçav kirin, ku têde daxwaza zêdekirina karên navdewletî ji bo gihîştina veguhestina siyasî li gor biryarên Netewên Yekbûyî, û piştguhnekirina dosya Sûriyê da ku aloztir nibe, kir.
Û civîngeran rewşa siyasî û mirovî û pêşhatên navdewletî yên girêdayî dosya Sûriyê gengeşe kirin, û tekezî li ser pêwîstiya rawestandina asayîkirina têkliyan bi rijêma Esed re yaku ji aliyê hin dewletan ve derketiye kirin, bi taybetî dewletên ereb ên ku gelê Sûriyê bendewarê alîkariya wan e ji bo tirajediya wî bidawî bibe û azadiya xwe bidest bixe.
Û civîngeran bal kişandin ser helwesta dewletên ku redkirina xwe ji normalîzekirina têkliyan re ragihandine û banga dadpirsînê kirine, û xweşhaliya xwe bi daxwiyaniya çaralî ya navdewletî ya ku ji aliyê Amerîka, Îngeltere, Elmanya û Fransayê ve hatiye dan û ev redkirin têde diyar kirine anîn ziman.
Û civîngeran di dawiya civînê de, tekezî li ser berdewamiya Hevbendiya Niştimanî di rêya şoreşê de ta ku daxwazên gelê Sûriyê di azadî û rûmetê de pêk werin, û dewleteke sivîl ya piralî û demokrat dûrî desthilata malbata Esed û dezgehên ewlehiyê bê damezrandin, kirin.
Jêder: Ofîsa Ragihandinê ya Hevbendiya Niştimanî ya