Hevbendiya Niştimanî haydarî derbarê lêbûrîna ku rijêma Esed derxistiye da, û ragihand ku rijêmê dest bi wî karî kir da tawanên xwe yên ku rojnameya The Guardian li vê dawiyê eşkere kirine û têde rijêmê komkujî demafê sivîlan li taxa Eltedamun li Şamê pêk anîne veşêre.
Û Hevbendiya Niştimanî di daxwiyaniyeke xwe de îro diyar kir ku Hejmara kesên ku rijêmê ew serbest berdane di vê lêbûrîna dawîn de, li gorî saziyên mafnasî, ne zêdetir ji 200 kesî ne, di dema ku bi dehên hezaran ji girtiyan hîn di zîndan û girtîgehên şaxên ewlekariyê de hene, û çarenûsa wan nediyar e, û Tora Sûrî ya Mafên Mirovan navên bêhtir ji 132 hezar girtiyî belge kirine.
Û Hevbendiya Niştimanî tekez kir ku girtiyên di zîndanên Esed de rastî tundtirîn cureyên îşkencê di warê govdeyî û derûnî de tên, û gotina Saziya Lêborînê ya Navdewletî bibîr anî, ya têde dibêjê ku zîndana Sêdnaya cihê Gurandina Mirovan e, û cihê herî pîs e li ser rûyê zemînê, ji ber ku têde operasyonên bidarvekirina bi kom û qirkirina rêbazkirî dermafê girtiyan pêk tên, û bal kişand ser ku wêneyên ku Qeyser eşkere kirine diyar dikin ku bi dehên hezaran girtiyên di bin îşkencê de hatine kuştin hene û divê ev yek ji bala mirovahiyê neçe
Û Hevbendiya Niştimanî di daxwiyaniya xwe de got ku dîmenên tirsank yên me li Şamê dîtine ku çawa bi hezaran malbatên Sûrî lava ji her yekî ji zîndanê derdikeve dikin, daku kêmtirîn agahî derbarê girtiyên xwe yên di zîndanan de zanibin, û bizanibin ger zindî ne an na, û bi ser de dîmenê rewşa tendurustî ya girtîyên derketine, ji hişnemana hizr û bîranînê bigire ta şêwandinên govde û nexwaşiyên demdirêj bi wan re çêbûne, ku ev tişt neynik in û tiştê ku girtî û xwediyên wan li ser destê rijêma Esed ya hov rastiyê tên diyar dike.
Û Hevbendiya Niştimanî bal kişand ser ku ev qebareya mezin ji tawanên ku rijêma Esed dermafê gelê Sûriyê bi giştî û girtiyan bi awayekî taybet pêk anîne, dihêle ku her dewleta ku dixwaze têkliylên xwe bi rijêmê re normal bike cihê şermezariyê be, û wek pişikdar di kuştina sûriyan de bê dîtin, ji ber ku wan rêz li qurbaniyên gelê Sûrî yên di ber welatekî azad û serbixwe de dane negirtin.
Û Hevbendiya Niştimanî di daxwiyaniya xwe de, daxwaza liveke yekser ji Netewên Yekbûyî kir, ku bi awayekî cidî kar li ser serbestberdana girtiyên Sûrî bike, û çarenûsa wan diyar bike, û komkujiya ku ew rastî wê tên rawestîne, û mafê tevaya sûriyan li wan vegerîne, di rêya sizakirina rijêma Esed li ser tawanên cengê û tawanên dijî mirovahiyê yên ku bi dirêjiya salên bûrî pêk anîne, û veguhastina siyasî li Sûriyê li gorî biryarên Encumena Ewlekariyê ya Navdewletî û nemaze biryara 2245 pêk were.
Jêder: Ofîsa Ragihandinê ya Hevbendiya Niştimanî ya Sûrî
