Şandê Hevbendiya Niştimanî ya Sûrî li Emrîka li gel cîgirê wezîrê derve yê Tirkiyê Sadat onal li rex civatên giştî yên netewên yekbûyî di xola 76an de lidar xist, daku behsa pêşhatên rewşa meydanî û pirosesa siyasî li Sûriyê bikin.
Û hevdîtin li baregeha şandê Tirkiyî di Netewên Yekbûyî de li New York birêve çû, û Şandê Hevbendiya Niştimanî ji Serokê Hevbendiya Niştimanî, Salim Elmislit û Serokê Desteya Danûstandinê ya Sûrî, Enes Elebde, û Cîgira Serok Ruba Hebûş, û Sekretêrê Desteya Siyasî Ebdilmejîd Berekat û Herdû Endamên Desteya Danûstandinê Ibrahîm Biro û Fedwa Elicêlî pêk dihat.
Û Serokê Hevbendiya Niştimanî spasî bo Tirkiyê li ser helwesta wê ya neguhêr û piştgiriya doza gelê Sûrî û alîkariyên wê di dîtina bingeheke xwirt li deverên rizgarkirî de pêşkêş kir.
Û Elmislit li ser metirsiyên berdewamiya operasyonên leşkerî yên ku rijêma Esed û piştgirên wê dijî sivîlan nemaze li parêzgeha Idlibê tevî rêkeftinên ku hatine morkirin axivî, û hêviyên xwe anîn ziman ku dewletên xwedî-bandor ji dostên gelê Sûrî bighînin mîkanîzmên ku li hember rijêmê rawestin û nehêlin rêbaza leşkerî bidomîne, û kartêkerkirina veguhestina siyasî û gelê Sûrî yê ku li ser xaka xwe mayî biparêze.
Û Serokê Desteya Danûstandinê ya Sûrî, bal kişand ser ku civaka navdewletî li rewşa Sûriyê di koşeyeke cuda re dinhêre, û tekezî li ser pêwîstiya parastina biryara 2254 yaku ji çar sepetan pêk tê û ne sepeteke tenha kir.
Û Elebde cext kir ku rê hîn dirêj e, û rijêm herdem pirosesa siyasî ji kar dixe, di dema nebûna fişarên navdewletî yên pêwîst de.
Ji aliyê xwe ve Cîgirê Serokê Hevbendiyê Ebdilhekîm Beşar li ser diyaloga Kurdî Kurdî axivî, û cext kir ku yên desthilatdariyê li Rojhilatê Ferêt dikin ne Sûrî ne, lêbelê ew rayedarên rêxistina PKK ya terorist in, yên ku ji çiyayên Qendîlê hatine, û çênabe ku berdewamiya piştgiriya wan ji aliyê navdewletî ve bibe, di bin navê kurd an bi navê piştgiriya Sûriyê de.
Ji aliyê xwe ve Cîgirê Wezîrê Derve yê Tirkiyê li ser berdewamiya piştgiriya welatê xwe bo doza gelê Sûrî axivî, û bal kişand ser ku doseya Sûrî herdem di axaftinên şandê Tirkiyê de li New York amade ye, û di vî warî de Serokê Tirkiyê Receb Teyb Ardogan di peyva xwe de di hundir Civatên Komeleya Giştî ya Netewên Yekbûyî de bal kişand ser Sûriyê û rewşa mirovahî tê de.
Û diltengiya welatê xwe ji zêdekirina tundiyê li Sûriyê anî ziman, nemaze li bakurê rojavayê Sûriyê û binpêkirinên li wir pêk tên, û got ku Wezîrê Derve yê Tirkiyê dê sardana Rûsiya bo gengeşkirina vê doseya germ bike, daku rewşê hêmin bike, û vegerin aramiyê.Jêder: Ofîsa Ragihandinê ya Hevbendiya Niştimanî ya Sûrî
