Serokê Hevbendiya Niştimanî ya Sûrî Hadî Elbehra û endamên Desteya Siyasî û Desteya Giştî, civînek li gel Encûmena Êl û Eşîran li bajarê Serê Kaniyê li gundewarê parêzgeha Hesekê li dar xistin, û bi şêx û mezinên deverê re civiyan.
Û ji aliyê Hevbendiyê ve endamên Desteya Siyasî Ebdulehed Istêfo, Ebdulbasit Ebdulletîf û Mihemed Elî Îsa û Endamên Hevbendiyê Hisên Elre’ad û Amir Elbeşîr, her wiha Wezîrê Çandiniyê di Hikûmeta Sûrî ya Demkî de Hayil Elkeleş amade bûn.
Û Serokê Hevbendiya Niştimanî tekezî li ser rola giring a Encumena Êl û Eşîrên Sûrî di parastina aştiya civakî û çareserkirina nakokiyan de kir, û cext kir ku Êl û Eşîrên Sûrî berê û niha jî ji giringtirîn sembolên civaka Sûriyê ne.
Û beşdaran di civînê de rêyên başkirina ketwarê jiyanê li deverê û jiyana hevbeş di navbera hemû pêkhateyên gelê Sûriyê de û pêwîstiya çareserkirina pirsgirêkên ku xelkê devertê tûşî wan dibin gotûbêj kirin, her wiha peydakirina derfetên kar û piştgirîkirina vekirina pirojeyên nû yên ku dever hewcedarî wan e.
Û Serokê Hevbendiya Niştimanî Hadî Elbehra, amaje bi wê yekê kir ku qebareya pêdawîstiyan li deverê pir mezin e, û pêwîstiya wê bi xebata sazî û hêzên aborî, ji hêla herdû sektorên giştî û taybet ve, bi awayekî hevrêzkirî û tam heye, ji bo çakkirina ketwarê jiyan û xizmetguzariyê li seranserê deverê.
Û bal kişand ser pêwîstiya destpêkirina destnîşankirina pirsgirêkan û karkirina bi hev re ji bo dîtina çareseriyên guncav ên gengaz, nemaze ji ber ku dever gelekî bi samanên xwe yên ku ji salan ve winda dibin zengîn e, û got ku Hevbendiya Niştimanî dê bi erkê xwe li gel Hikûmeta Sûrî ya Demkî û hevparên xwe rabe, ji bo ku van hewcedariyan çareser bikin.
Û Elbehra tekez kir ku berdewamiya hevkarî û hevrêziyê dê bandoreke wê ya erênî li guhertina ketwarê Sûriyê hebe, û dê sûda wê li piroseya siyasî ya danûstandinê ji bo cîbicîkirina biryarên navdewletî û pêkanîna daxwazên gelê Sûriyê jî hebe.
Û amadebûyan behsa rewşa dijwar a nişteciyên Serê Kaniyê û deverên derdora wê nemaze xerabiya rewşa aborî û perwerdeyê kirin, û cotkaran daxwaza alkîariyê ji bo piştgiriya sektora çandiniyê û vekirina rê li pêşiya cotkaran ji bo hinardekirina berheman, her wiha vejandina pompeyên li qiraxa çemê Xabûr û kartêkerkirina bîrên derdora wê kirin.
Jêder: Ofîsa Ragihandinê ya Hevbendiya Niştimanî ya Sûrî
