Hevbendiya Niştimanî ya Sûrî civînek li gel Encûmena Horan ya Şoreşgerî li Baregeha Hevbendiya Niştimanî ya bajarê Ezazê yê gundewarê Helebê lidar xist.
Û di civînê de Serokê Hevbendiya Niştimanî D. Nesir Elherîrî û Endamên Desteya Siyasî D. Bedir Camos û Mihemed Yehya Mektebî û Yasir Elferhan û endamên Desteya Giştî Ehmed Bekûra û Necîb Eelrehmon û Ehmed Elşihadî amade bûn.
Û civatê bi pêşwaziya Serokê Hevbendiya Niştimanî bi endamên Encûmena Horan ya Şoreşgerî dest pê kir, û pesna avakirina encûmenê ku xebatên dabînkirina pêdviyên derbider û koçberên horanî li bakurê Sûriyê da, û dît ku ev pêngaveke pêwîst e ji bo rêxistinkirina karê civakî li deverên rizgarkirî.
Û Elherîrî tekez kir ku tevgera şoreşgerî piştgirê rasteqîn û bingehîn e bo şoreşa Sûriyê, û ew hêvî ye bo pêkanîna xwestekên gelê sûrî di azadî û rûmet û demoqrasiyê de.
Û Endamên Encûmena Horanê ya Şoreşgerî şiroveyek li ser encûmen û ofîsên rêveberiyê yên têde kar dikin û çalakiyên ku pê radibin nemaze yên girêdayî bi dabînkirina pêdviyên derbider û penaberên ji devera Horanê li bakurê sûriyê bûne niştecî pêşkêş kir.
Û amadebûyan cextî li ser giringiya berdewamiya pêwendî û hevkariyê û lidarxistina civatên rolane û herdem ji bo xurtkirina bawerî û hevrêziyê ji bo rûbirûbûna qonaxa dahatî kirin.
Jêder: Ofîsa Ragihandinê ya Hevbendiya Niştimanî ya Sûrî
