Bi rêxistinkirina Ofîsa Revendan, Hevbendiya Niştimanî ya Sûrî civata mehane li gel Rayedarên Saziyên Sûrî-Emrîkî bi amadebûna Serokê Hevbendiya Niştimanî Salim Elmislit lidar xist, û behsa pêşhatên rewşa meydanî û siyasî li Sûriyê û pêşketinên doseya Sûrî li bal rêvebiriya Emrîkî kirin.
Û di civatê de Emîndarê Giştî D. Heysem Rehmê û Sekretêrê Desteya Siyasî Ebdilmejîd Berekat û Hevrêzkarê Ofîsa Revendan Mihemed Yehya Mektebî û Nûnerê Hevbendiya Niştimanî li Waşinton Quteybe Idlibî beşdar bûn.
Û ji aliyê Saziyên Emrîkî ve, D. Zekî Lebabîdî, Eymen Ebdilnor, Tariq Ebo Gezalê, Haşim Elmibarek, Mihemed Bekir Gibes, Sûzan Mirêdin û Corc Istêfo amade bûn.
Û Serokê Hevbendiya Niştimanî, şiroveyek li ser karên Hevbendiyê piştî Desteya Serokatiyê ya nû û hevdîtinên diplomatîk ên ku Hevbendiyê li Tirkiyê û derve pêkanîne û encamên wan hevdîtinan pêşkêş kir.
Û Elmislit diyar kir ku Hevbendiya Niştimanî giringiyê dide çakkirina xizmetkarî û debara jiyanê li deverên rizgarkirî li gor karînên berdest, û bal kişand ser ku bi hejmarek ji serdan û geran rabû, û têde hevdîtin bi rayedarên Feyleqan û Eniya Niştimanî bo Rizgariyê û Encumenên Xwecihî û çalakvanên gelêrî re pêkanîn.
Û Elmislit bal kişand ser ku Hevbendiya Niştimanî niha xwe ji serdana Emrîka re amade dike, daku hevdîtinin navdewletî li kêlek civatên Komeleya Giştî ya Netewên Yekbûyî lidar bixe, û serdana Washington bike, û hevdîtinan li gel hejmarek ji berpisyarên Rêvebiriya Emrîkî lidar bixe.
Û Sekretêrê Desteya Siyasî û Endamê Ofîsa Têkliyên Derve, Ebdilmejîd Berekat, li ser pêngavên ku Ofîsa Têkliyên Derve pê radibe bo serdana Emrîka axivî, û bal kişand ser ku hevdîtinên ku amadekarî jêre dibin derdora 20 hevdîtin û civatê ne.
Û doctor Zekî Lebabîdî li ser giringiya tememkirina sazkirina laşê Artêşa Niştimanî ya Sûrî axivî, û dît ku giringiya Çaksazkirina Artêşa Niştimanî û hemû laş û saziyên Hevbendiyê, ji giringiya çaksazkirina Hevbendiyê nekêmtir e, daku nimûneke baş ji rêvebirinê li deverên rizgarkirî pêşkêş bikin.
Û doktor Mihemed Bekir Gibês, tekezî li ser serdana Hevbendiya Niştimanî bo Washington li kêleka civatên Komeleya Giştî ya Netewên Yekbûyî kir, û got ku divê sûde ji vê yekê bête wergirtin, û ev kar di riya hevkariya li gel Saziyên Sûrî-Emrîkî û hevrêziya li gel wan re ye, û got ku serdan bi piştgirî û alîkariya wan e.
Ji aliyê xwe ve doctor Eymen Ebdilnor tekezî li ser giringiya bidawîanîna rewşa bêserûber ya rêbazên xwendinê û encumenên xwecihî û avakirina hukimdariyê kir, û bal kişand ser ku pêwîste ku sizadan hebe, ji ber ku ew tişt aliyên navdewletî han dide ku piştgiriya Hevbebndiya Niştimanî bikin û saziyên wê xurt bikin.
Doktor Tariq Ebo Gezale, li ser giringiya dosyayan û dozên ku ji hêla Hevbendiyê ve amade dibin , taku li gel berpisyarên Rêvebiriya Emrîkî behsa wan bikin, ji bo ku danûstandineke erênî li gel wan dozan ji aliyê Emrîkî ve bête kirin axivî.
Û Hevrêzkarê Ofîsa Revendan, Mihemed Yehya Mektebî, li ser giringiya karê li ser yekbûna nameyên ji hêla Hevbendoyê û saziyan ve yên dê arasteyî aliyên navdewletî û rêvebiriya emrîkî bibin axivî, û dît ku divê pêwendiyên berdewam di navbera Hevbendiya Niştimanî û Saziyan de hebin, ji bo hevrêziya helwest û nameyan berî serdana Hevbendiyê bo Emerîka.
Jêder: Ofîsa Ragihandinê ya Hevbendiya Niştimanî ya Sûrî