Nûnergeha Hevbendiya Niştimanî ya Sûrî ya li Emrîka bi hevrêziya li gel Ofîsa Revendan civînek ji dûr ve li gel serokên saziyên siyasî yên sûrî yên li Emrîka dixebitin lidar xist.
Û di civînê de Serokê Hevbendiya Niştimanî D. Nesir Elherîrî, û Hevrêzkarê Ofîsa Têkliyên Derve ya Hevbendiya Niştimanî, Ebdulehed Istêfo, û hevrêzkarê ofîsa revendan Mihemed Yehya Mektebî û Nûnera Hevbendiyê li Netewên Yekbûyî Meryem Çelebî û Nûnerê Hevbendiyê li Emrîka, Quteybe Idlibî, amade bûn.
Her weha Serokê Encûmena Rêvebiriya Encûmena Sûrî Emrîkî D. Zekî Lebabîdî û Rêvebira Cîbicîkar ya Encûmena Sûrî ya li Emrîka Sozan Mirêdîn û Serokê Encûmena Saziya Mîd Gilobal D. Zahir Sehlol û Serokê Encûmena Rêvebiriya Saziya Sûrî ya Rewşên Awarte D. Haşim Mibarek û Seroka Saziya Xiristiyanên bo Aştiyê Mîrna Birq û Serokê Encûmena Rêvebiriya Girupê Kîla Husam Eyûbî û Serokê Girupê Sûrî yê Azad bo karê Siyasî Mehmûd Elberazî, amade bûn.
Ev kar wek beşekî ji pilanên Hevbendiya Niştimanî bo pêkanîna pêwendî û hevrêziya bilind di navbera Hevbendiyê û Saziyên siyasî yên Sûrî li Emîrka de tê.
Û Serokê Hevbendiya Niştimanî şiroveyek pêşkêş kir têde hejmarek ji babetên girêdayî doseya Sûriyê li ser asta meydanî û ya siyasî li welat û hevalbendiyên herêmî û navdewletî yên nû û bandora wê li ser doseya Sûriyê axivî.
Û Elherîrî behsa birêketina karên gera pêncemîn a Komîteya Destûrî ya Sûrî li Cinêvê kir, û got ku cara yekemîn e ku naverokên destûrî di nav xiştekarê de ne, û bal kişand ser pêwîstiya ku em pir ne geşbîn bin berî bigihêjin lihevkirineke navdewletî derbarê doseya Sûriyê.
Û got ku lihevkirin li ser xiştekarê ne misoger e ku ew ê bihêle rijêm pabend bibe û bi awayekî cidî tevlî pirosesa destûrî bibe, û cext kir ku pirosesa destûrî beşek ji çareyê ye, lê bi tenê ne bes e ger rêyên din ên di daxwiyaniya Cinêvê û biryara 2254 de kartêker nebin, û di serî de rêya desteya hikumdariya veguhêz ya wek gewherê pirosesa siyasî ye.
Û amadebûyan rewşa di desteya danûstandinê de gengeşe kirin, û tevayan tekezî li ser pêwîstiya çareserkirina hemû pirsgirêkan û piştgiriya desteyê û nûkartêkerkirina rola wê di çalakkirina pirosesa siyasî de kirin.
Û amadebûyan behsa şêweyê nerîna rêvebiriya Emrîkî ya nû li doseya sûriyê kirin, û li ser pêwîstiya pêwendiya pêre û pêşkêşkirina piroje û nerîna zelal derbarê Sûriyê li gor pêkanîna hêviyên gelê sûrî di azadî û rûmetê de li hev kirin, û cextî li ser giringiya Yasaya Qeyser ya dijî rijîma Esed û aliyên pêre wek mîkanîzmeke fişarê li ser rijêmê daku bihêlin ku tevlî pirosesa siyasî bibe.
Û tekezî li ser pêwîstiya xurtkirina pêwendiyê li gel dewletên li vê dawiyê tevlî Encûmana Ewlekariyê bûne kirin, nemaze Nirwêj û Îrlenda ji ber ku ew babeta mirovahî hildigrin, û karê bi wan re ji bo nûkirina biryara veguhestina alîkariyan da di riya çar dergehan re be, ne tenê di riya du dergehan re.
Jêder: Ofîsa Ragihandinê ya Hevbendiya Niştimanî ya Sûrî
