Endamê Desteya Siyasî ya Hevbendiya Niştimanî ya Sûrî Cîhad Mir’î, dît ku daxwiyaniyên Wezîrê Çandiniyê yê Hikûmeta Rijêma Esed derbarê têkçûna sektora çandiniyê li welêt, kêm hatine, û sedemên rasteqîn ên hilweşîna sektora xwarinê diyar nekirin.
Û Mir’î di daxwiyaniyên taybet de îro got ku Wezîrê rijêma Esed, bi mebest sedemên rasteqîn yên têkçûna sektora çandiniyê û hemû kartên din li Sûriyê veşartin, ji ber ku ew rijêma Esed û hikûmeta wê şermezar û berpirsyar dikin.
Û Mir’î bal kişand ser wê yekê ku rijêma Esed rê li pêşiya milîsên terorîst û mezhebperest li seranserî welêt vekir, û çiraya kesk ji wan re vêxit ji bo ku dahatên xelkê û mal û milkên wan bidizin, li hember tepeserkirina şoreşê û parastina rijêmê ji rûxandinê.
Û Mir’î anî ziman ku lêçûna madî ya cenga rijêma Esed li dijî curbecur deverên Sûriyê û mezinbûna torên gendeliyê yên girêdayî Serokê rijêmê û malbata wî, û serkirdeyên dezgehên ewlekarî û siyasî, û aboriya têkçûyî, welat wêran kir, û bû sedema hilweşîna lîreya Sûrî û xirabbûna rewşa jiyanê û bilindbûna nirxan bo astekê ku ev yekm care weha çêdibe.
Û ev yek piştî daxwiyaniyên Wezîrê Çandiniyê di Hikûmeta Rijêma Esed de derbarê têkçûna tam ya sektora xwarinê li Sûriyê hat, û gefa “saleke birçîkirinê” li Sûriyan xwarin, piştî kêmbûna berhemdana genim.
Jêder: Ofîsa Ragihandinê ya Hevbendiya Niştimanî ya Sûrî
