Sekreterê desteya siyasî ya Hevbendiya Niştimanî ya Sûrî Ebdulbasît Ebdulletîf, tekez kir ku hemû nûçeyên pêbawer û raportên mafên mirovan ên ku ji aliyê rêxistinên navdewletî ve hatine piştrastkirin, tekez dikin ku milîsên PYDê yên terorîst berdewam in di pêkanîna kiryarên tawankarî de li dijî sivîlan li bakurê rojhilatê Sûriyê ku yek ji wan leşkerkirina zarokan e.
Ebdulletîf di daxuyaniyeke rojnamevanî de got ku tiştê balkêş ew e ku tawanên hovane ji aliyê van milîsên terorîst ve li pêş çavê cîhanê tên pêkanîn, bêyî ku ti rêgiriyek ji wan re hebe, û got ku milîsên terorîst ên PYD rikberiyê bi cîhanê re dikin û red dikin ku rêbaza xwe ya terorîstî biguherin an xwe ji pêkanîna tawanên bêhtir bidin paş.
Ebdulletîf bal kişand ser wê yekê ku ev milîs hîn jî piştgirîyê werdigirin, û rêxistinên navdewletî berdewam in di hevkarîya bi wan re, û daxwaz kir ku fişareke navdewletî ya rasteqîn li ser van milîsan bê sepandin da tawanên xwe yên li dijî sivîlan rawestînin û berpirsên tawanan dadpirsîn bikin.
Di raporteke xwe ya nû de, Human Rights Watch hişyarî da derbarê ku milîsên PYDê yên terorîst berdewam in di leşkerkirina zarokan de li bakur-rojhilatê Sûriyê, û tekez kir ku ev milîs zarokan ji zarokatiya wan bêpar dikin û wan dixin atmosfereke tundûtûjiya dijwar de ku dibe sedema trawmayên laşî û derûnî yên demdirêj.
Rêxistinê diyar kir ku “Tevgera Ciwanên Şoreşger”, ya girêdayî milîsên PYD yên terorîst, keç û xortên 12 salî dike leşker, wan ji dibistan û malbatên wan dûr dixe, nahêle ku malbatên wan bi wan re peywendiyê bikin, û hemû hewldanên malbatên wan ên ji bo dîtina wan bê encam dihêlin.
Rêxistinê diyar kir ku ev milîs, piştî leşkerkirina zarokan û dûrkirina wan ji malbatên wan, herî kêm du mehan wan di perwerdeya îdyolojîk a giran re derbas dikin û piştre wan vediguhezînin da tevlî yek ji komên çekdar bibin, li wê derê perwerdeya leşkerî ya zêde dibînin li ser destê rêxistina Partiya Karkerên Kurdistanê ya(terorîst) li Çiyayê Qendîlê li Iraqê.
Jêder: Ofîsa Ragihandinê ya Hevbendiya Niştimanî Sûrî
