Serokê Hevbendiya Niştimanî ya Sûrî Selim Elmislit, nameyeke spasiyê arasteyî wezîrên Derve yên Erebistana Siûdî, Komara Misira Ereb û dewleta Qeter kir, li ser helwestên wan ên neguhêr derbarê doza gelê Sûriyê û redkirina wan ji çi rengê normalkirina têkliyan bi rêjîma Esed re û nepejirandina wan ji hewldanên vegerandina rijêmê bo nav Komkara Dewletên Ereb.
Û Elmislit di peyama xwe de tekezî li ser rola giring û sereke ya Erebistana Siûdî, Misir û Qeterê di piştgiriya tekoşîna gelê Sûrîyê ya azadî û rûmet û dadmendîyê kir, û cextî li ser girîngiya rola van dewletan li ser asta siyasî û dîplomasî yaku dikare dosya çareseriya siyasî li Sûriyê bilivîne kir, her weha hiştina ku civaka navdewletî berve cîbicîkirina biryarên Encumena Alîkariyê bibe, û di pêşî de herdû biryarên 2018 û 2254.
Û bal kişand ser giringiya rola Ereban di dijderkertina derbasbûna leşkerî û siyasî ya Îranê û pirojeya xerab a ku rejîma Îranê bi rêya wê hewl dide ku tevna civakî ya Sûriyê û deverê ji hev bixîne.
Û tekezî li ser giringiya berdewambûna welatên ereb li ser bidûrxistina rêjîma Esed û nehiştina rewatiya wê an nûjenkirin û qebûlkirina wê di Komkara Erebî de kir, ji ber ku rewatiya wê nîne û nûneratiya Sûriyê û gelê wê nake, û dît ku pejrandina rijêmê derfetê dide Îranê ku nûnerê xwe li ser kursiya Sûriyê di Komkara Erebî de bicî bike.
Û Got ku veguhestina siyasî li Sûriyê takerêya rawestandina derdeseriyên gelê Sûriyê û dabînkirina yekîtiya xaka wê û serxwebûna wê ye.
Û careka dî tekez kir ku Hevbendiya Niştimanî ya Sûrî giringiyeke mezin dide berdewamiya hevrêzî û hevkariya xwe ya biratî li gel Erebistana Siûdî, Misir û Qeterê, û herdem dixwaze wan têkiliyan mukumtir bike.
Û Elmislit amadebûna Hevbendiya Niştimanî ji bo karkirina li gel bizavên navdewletî û navnetewî û erebî anî ziman, ji bo pêşdebirina pirosesa siyasî, û standina biryarên ku dikevin xizmeta doza gelê sûriyê û kêşeyên dewletên ereb û yên deverê.
Jêder: Ofîsa Ragihandina Hevbendiya Niştimanî ya Sûrî
