Serokê Hevbendiya Niştimanî ya Sûrî, Salim Elmislit, nameyek arasteyî rêvebirê cîbicîkar yê Desteya Herdem a Serbixwe ya Mafên Mirovan di Rêxistina Hevkariya Îslamî de Mergob Selîm Bit kir, û pêre behsa binpêkirinên berdewam ên ku rijêma Esed dermafê sivîlên Sûrî pêk tîne kir.
Û Elmislit di nameya xwe de got ku gelê Sûrî bi dirêjiya deh salên bûrî rastî bobelatên metirsîdar di warê binpêkirina mafên mirovan de ta radeya nayê salixdanê hatiye, û cext kir ku tevî hejmara mezin ji tirajediyan, gelê Sûrî li ser pêkanîna armancên xwe yên bicîanîna dadwerî û lêpirsînê rijd e.
Û Elmislit tekezî li ser baweriya bi rola bingehîn ya Desteya Herdem a Serbixwe ya Mafên Mirovan di Rêxistina Hevkariya Îslamî de kir, daku piştgiriya bizavên Hevbendiya Niştimanî ji bo xurtkirina mafên rewa yên gelê Sûrî di rizgarbûna ji rijêma terorîst û xebata ji bo bidestxistina azadî û rûmet û dadweriyê bike.
Û Elmislit bal kişand ser ku rijêma Esed hîn di bikaranîna rêbazkirî ji çekên kîmawî re dijî sivîlan di dema cengê de berdewam e, û bi dehên hezaran ji girtiyan hîn di girtîgehan de ne, her weha bi hezaran rastî îşkencekirin an kuştinê di dema girtina wan ya ne yasayî de hatine.
Û Serokê Hevbendiya Niştimanî raporek kurt derbarê êrîşên kîmawî yên ku li Sûriyê di navbera salên 2012 û 2018an de pêk hatine axivî, her weha şiroveyek giştî li ser mîkanîzmên ku Netewên Yekbûyî bo şopandin û destnîşankirina tawanbaran pêşkêş kir.
Û Elmislit daxwaza livandina van pirsan di civata dahatî ya Desteya Herdem a Serbixwe ya Mafên Mirovan di Rêxistina Kongirê Îslamî de kir.
Jêder: Ofîsa Ragihandinê ya Hevbendiya Niştimanî ya Sûrî
