Serokê Hevbendiya Niştimanî ya Sûrî Salim Elmislit, nameyeke pîrozbahiyê arasteyî Mihnid Salh Lehcozî bi helkefta wergirtina wî ji postê Emîndarê Giştî yê Alîkar ê Komkara Erebî re kir, û têde tekezî li ser rola giring ya Komkara Erebî di piştgiriya gelê Sûriyê û xebata wî ya ji bo azadî û rûmet û dadweriyê kir.
Û Elmislit tekezî li ser giringiya rola Siyasî û diplomasî ya Komkara Erebî yaku dikare doseya çareyê li Sûriyê bilivîne û bihêle ku civata navdewletî doseyê berve cîbicîkirina biryarên Encumena Ewlekariyê ve bibe û di serî de herdû biryarên 2118 û 2254 kir, û diyar kir ku rêya siyasî takerêya çareyê ye, ji bo rawestandina derdeseriyên gelê Sûriyê û misogerkirina yekîtî û serxwebûna wê.
Û Elmislit cextî li ser giringiya rola erebî di rûbirûbûna belavbûna Îranê ya leşkerî û siyasî û pirojeya wê ya şerdar, yaku di riya wê re dixwaze tevna civakî li Sûriyê û deverê ji hev bixe kir.
Û tekezî li ser giringiya berdewamiya dewletên ereb di dûrkirina rijêma Esed de û nehêlana rewakirin û serxistina wê û nepejirandina wê di Komkara Erebî de kir, ji ber ku rijêmê rewaya xwe ji dest daye û nûnertiya Sûriyê û gelê wê nake.
Û Elmislit bal kişand ser ku Hevbendiya Niştimanî giringiyeke mezin dide berdewamiya hevrêzkariyê û hevkariya biratî li gel Komkara Erebî, û dixwaze herdem têkliyan pêre bihêztir bike, û amadebûna xwe bo karê li gel bizavên navdewletî û erebî yên ji bo pêşdebirina pirosesa siyasî û standina biryarên dikevin xizmeta doza gelê Sûriyê û dozên erebî û yên deverê de anî ziman.
Jêder: Ofîsa Ragihandinê ya Hevbendiya Niştimanî ya Sûrî