Endamê Desteya Siyasî ya Hevbendiya Niştimanî ya Sûrî Ebdellah Gedo, pesnê karê Polîsên Leşkerî û Artêşa Niştimanî ya Sûrî da, li ser girtina wan ji tometbarên doza diziya mala kalemêrekî û lêdana wî û jin û keça wî li gundê Memala li gundewarê Efrînê li bakurê Helebê.
Û Gedo di daxwiyaniyin taybet de, bal kişand ser wê yekê ku giringtirîn tiştê niha li tevaya deverên rizgarkirî di rêya Hikûmeta Sûrî ya Demkî re dibe ew e, ku kar ji bo garantîkirina ewlehî û saxlemiya sivîlan tê kirin, ji bo kesên binpêkirinan pêk tînin li gorî yasayê di rêya dadweriya destpak û dadmend û serbixwe re siza bibin, bi xurtkirina desthilata dadweriyê û misogerkirina serxwebûna wê.
Û polîsên leşkerî di daxwiyaniyeke xwe de, diyar kirin ku yên tometbar di doza diziyê de li gundewarê Efrînê bi hevkariya li gel endamin ji Artêşa Niştimanî ya Sûrî hatine desteserkirin, û gotin ku ew du ciwan in û her du jî çek bi wan re hebûn.
Û polîsê leşkerî bal kişand ser ku ew diz di 5ê vê heyva kanûna paşîn de girtin ser mala kalemêr û li wan dan û tiştên hundirê xanî şikandin, û pere û zêrên wan û telefoneke berîkan dizîn, û got ku tometbar bo dadgeha taybet bi wan tawanan hatin birin.
Jêder: Ofîsa Ragihandinê ya Hevbendiya Niştimanî ya Sûrî
