Emîndarê Giştî yê Hevbendiya Niştimanî ya Sûrî Heysem Rehmê, ji Rêvebiriya Emrîkî xwest ku lêvegerekê ji siyaseta xwe ya li Sûriyê re çêbike, û cext kir ku sistiya di rûbirûbûna Rûsiya de derbarê tawanên ku dermafê gelê Sûrî pêk anîne, hişt ku Putin îro êrîşên xwe bibe ser Okranya.
Û Rehmê bal kişand ser ku tiştê li Okranya çêdibe divê tiştê ku li Sûriyê bûye û dibe bîne bîra herkesî, Sûriya ku Putin ji destpêka dijminkariya xwe ya leşkerî di sala 2015an de wêran kiriye.
Û Rehmê tekez kir ku civaka navdewletî baş dizane ku destêwerdana Rûsiya di Sûriyê de û bombebarana tund yaku bajar û bajarokên Sûriyê rastiyê hatine, hişt ku mazintirîn kêşeya penaberiyê di sedsala niha de derkeve holê, û bû sedema rûxandina ku heye ya herî mezin be ji destpêka cenga cîhanî ya duyem de.
Û Rehmê got ku îro ji civaka navdewletî ji çi demên berê bêhtir tê xwestin ku bi yek bin û liveke lezgîn di rûyê hovîtiya Rûsiya de bikin, û sînorekî ji dagîrkirin û rûxandina ku Putin birêve dibe ji bo serkutkirina vîna gelên ku daxwaza rizgarî û demoqrasiyê dikin re deynin.
Û Rehmê daxwaza pêwîstiya hevkariyeke navdewletî bo standina rêşûnên lezgîn û vebirtir û yekrêz bo gemkirina Rûsiya li Sûriyê û Okranya kir, û diyar kir ku berdewamiya bêdengiya navdewletî û lawaziya saziyên navdewletî li hember tawanên Rûsiya yên dermafê gelan, dê li dawiyê tawanên xwe berfireh bike, û tevaya dewletan tevî Yekîtiya Ewropa têxe bin gefê de.
Û Rehmê xweşhaliya xwe bi pêşniyara ku Hikumeta Okranya pêşkêş kiriye anî ziman, yaku daxwaza qewtandina Rûsiya ji Encumena Ewlekariyê dike, û bibîr anî ku Hevbendiya Niştimanî di hemû boneyan de tekez kir ku endamtiya Rûsiya yaku Putin hikumdariya wê dike di Encumena Ewlekariyê de weke rêgiriyê ye di rûyê vîna navdewletî de, û tevaya biryarên Encumena Ewlekariyê nemaze yên ku daxwaza parastina sivîlan û alîkariya wan dikin û mafên sivîlan misoger dikin ji kar dixîne.
Jêder: Ofîsa Ragihandinê ya Hevbendiya Niştimanî ya Sûrî
