Hevbendiya Niştimanî ya Sûrî pêşwaziya ragihandina Silovîniya û Latfiya ku Hizbullah yê Libnanî weke rêxistineke terrorîst e û gefê dide aramî û ewlehiya navdewletî kir, û tekez kir ku Hizbullah bi dirêjiya nêzî deh salan hisedarê sereke ye di kuştina Sûriyan de.
Û Serokê Hevbendiya Niştimanî D. Nesir Elherîrî, got ku Hizbullahê yê terrorîst wek destekê Îranê ye li deverê, û ew li paş nearamiya deverê ye, û dît ku qedexekirina çalakiyên wê partiyê li cîhanî pêngaveke girîng e, û divê dewletên dîtir jî gavên mîna wê bavêjin, daku ew partiya were cudakirin, û sizakirina endam û piştgirên wê misoger bibe, û çalakiyên wê yên terorî li Sûriyê û deverê û cîhanê kêm bikin.
Û bal kişand ser ku paşguhkirina vê pêngavê ji aliyê hin dewletan ve, dighê asta piştgiriya neyekser di warê terorê de, û dibe alîkar bo wê partiya terror ku ji cezayan rizgar bibe, û çalakiyên terorî yên rêxistinkirî berdewam bike.
Hêjayî gotinê ye ku di sal û nîv sala borî de, 16 dewletan ragihandin ku ew Hizbullah bi herdû basikên wê ve rêxistineke terorî dibînin, û ji wan dewletan Almanya, Brîtanya, Hollanda, Lîtvanya, Estonya, Guatemala, Honduras, Arjantîn û Kolombiya bûn.
Jêder: Ofîsa Ragihandinê ya Hevbendiya Niştimanî ya Sûrî
