Serokê Hevbendiya Niştimanî ya Sûrî Hadî Elbehra hevdîtinek li gel Balyozê Holendayê Keij Kerlach û Şêwirmendê Taybet ê Dosyaya Sûriyê Leonard Hegerberg duh roja çarşemê li baregeha Hevbendiyê li dar xist, bi wan re pêşhatên piroseya siyasî ya astengkirî, ji ber berepêkanên rijêmê û hevalbendên wê, û rêyên standina pêngavin cidî di dosyaya dadpirsîn û sizakirina tawanbarên cengê de gotûbêj kirin.
Û di civînê de Cîgirên Serok Ebdilmecîd Berekat û Dîma Mûsa û Hevrêzkarê Ofîsa Têkliyên Derve Ebdilehed Istêfo amade bûn.
Û Serokê Hevbendiya Niştimanî li ser pêşhatên rewşa siyasî di dosya Sûrî de û çawaniya bandora dosyayên herêmî û navdewletî yên niha li ser wê axivî, tekez kir ku siyasetên rêvebirina qeyranan ya ku civaka navdewletî dimeşîne li şûna ku bi roleke kartêker bo dîtina çareseriyên domdar rabe, hişt ku derdeseriyên gelan zêde bibin, her wiha tekezî li ser pêwîstiya ku Netewên Yekbûyî bi rola xwe ya kartêker di piroseya siyasî de derbarê Sûriyê rabe, li gorî rasparteya ku bo wê hatiye dayîn di biryara Encûmena Ewlekariyê ya hejmar 2254 de, û daxwaza vegera dosya Sûrî bo lîsteya pêşîndeyan û hebûna tevgereke bi awayekî cidî bo kartêkerkirina piroseya siysî û cîbicîkirina biryarên navdewletî yên taybet bi karûbarê Sûrî û di pêşî de her du biryarên 2118 û 2254 kir.
Û Elbehra rewşa deverên rizgarkirî û hevdîtinên ku Hevbendiya Niştimanî li vê dawiyê li gel curbecur pêkhateyên civakê li deverên cuda li bakurê Sûrî pê rabûye berçav kirin û telezî li ser çakkirina ketwarê wan û xurtkirina ewlehî û aramiyê kir, ji ber ku divê jêrxaneya deverê jinûde bê çêkirin, nemaze tora ava vexwarinê û sîstema avdanê û çakkirina asta xizmetguzariyên perwerdeyê û guhdana tenduristî û piştgiriya berhemdanê di kartên çandinî û pîşesaziyê de, herweha pêdviya piştgiriyê ji Hikûmeta Demkî re ji bo pêşdebirina asta xizmetkariyan û afrandina jîngeheke aram ya ku hanê li ser veberhênanê dide bo damezrandina pirojeyên ku geşepêdana domdar pêk tînin û beşdariyê di afirandina derfetên kar bo ciwanan de dikin, da karibin li welatê xwe bimînin, li şûna ku daxwaza penaberiyê ji dewletan bikin.
Û Cîgira Serok Dîma Mûsa li ser Desteya Jinê ya Sûrî û çalakî û bernameyên wê yên ji bo bihêzkirina karînên jinan da ku rola xwe di hemû qadên siyasî, aborî, civakî û çandî de cih bigirin axivî.
Û Cîgirê Serok Ebdulmecîd Berekat hişyarî da ji hebûna Îranê bi xurtî li Sûriyê û kontrolkirina wê ji çavkaniyên aborî û civakî re, û tekez kir ku tiştê milîsên Îranî dikin nahêle aramî di paşerojê de li deverê peyda bibe.
Û Hevrêzkarê Desteya Têkeliyên Derve Ebdilehed Istêfo, bal kişand ser ziyanên mezin ên rawestana pirosesa siyasî li Sûriyê, li ser asta herêmî û navdewletî û behsa aloziyên ku di pêvajoya siyasî de derdikevin û kêşeyên girêdayî helwestên navdewletî û herêmî ji dosyeya Sûriyê kir.
Ji aliyê xwe ve, şanda Holendayê tekezî li ser piştevaniya tam ya Hikûmeta welatê xwe ji cîbicîkirina biryara Encûmena Ewlekariyê ya jimar 2254 re kir, li gel rijdiya wê li ser şopandina dosya dadpirsîn û berpirsiyariyê û pêkanîna dadweriyê li Sûriyê û şopandina bûyarên doza ku wê li gel Kenedayê bo Dadgeha Dadweriyê ya Navdewletî li dijî rijêma Sûrî vekiriye, bi sedema binpêkirina rijêmê ji rêkeftina li dijî îşkencekirinê re, her wiha piştgiriya Holenda ji hewlên Nûnerê Navdewletî yê Taybet bo Sûriyê re, da ku biryarên navdewletî derbarê Sûriyê cêbicî bibin diyar kir.
Jêder: Ofîsa Ragihandinê ya Hevbendiya Niştimanî ya Sûrî
