Endama Desteya Siyasî ya Hevbendiya Niştimanî ya Sûrî, Hevrêzkara Desteya Niştimanî ya Sûrî ya Karûbarê Girtî û Windayan Selwa Eksoy, dît ku daxwaza Berdevkê Şandê Amerîka li Netewên Yekbûyî Nate Evans ya ji bo avakirina tîmeke navdewletî ya serbixwe ji bo eşkerekirina çarenivîsa windayan û binçavkiriyên bi darê zorê di zîndanên rijêma Esed de, gaveke baş e, lê divê xalin din ên ku derbirîna daxwazên xizim û malbatên girtiyan dikin tê de hebin.
Û Aksoy got ku Hevbendiya Niştimanî tekeziyê li ser piştgîriya xwe ji bizavên hemû sazî û aliyên dixwazin girtiyan azad bikin û çarenivîsa windayên di girtîgehên rijêma Esed de eşkere bikin û ji bo serbestberdana wan bi xurtî dixebitin dike, û bal kişand ser pêwîstiya vê mîkanîzmayê ji bo serbestberdana girtiyan û rawestandina rêbaza girtina kotekî û binçavkirina bi darê zorê û sizakirina berpirsên di ber operasyonên girtin û îşkence û kuştina di hundirê zîndanan de.
Û Aksoy daxwaza pêwîstiya guhdana cidî bi vê dosyê û çareserkirina wê û cîbicîkirina biryarên navdewletî yên têkildarî mijara Sûriyê kir, û di serî de Daxwiyaniya Cinêvê û herdû biryarên 2118 û 2254an e.
Û berdevkê Şanda Emerîka li Netewên Yekbûyî Nate Evans, di şiroveya xwe ya vê dawiyê de ragihandibû ku hejmara kesên ku bi awayekî kotekî hatine binçavkirin û windakirin li Sûriyê, ji 150 hezarî bêhtir e, û amaje bi wê yekê kir ku ew karin bêjin ku bandora vê pirsgirêkê gihiştiye hemû malbatan.
Û Evans got ku Emerîka piştgiriya banga avakirina desteyeke serbixwe dike, yaku karê wê bi tevahî dê li ser eşkerekirina çarenivîsa windayan li Sûriyê û diyarkirina cihê wan be, hevdem li gel bihêzkirina rêşûnên berê di vî warî de hene.
Û Evans raporta Emîndarê Giştî yê Netewên Yekbûyî, yaku têde daxwaza xurtkirina rêşûnên berê û avakirina mekanîzmayeke nû ya Netewên Yekbûyî derbarê windabûyan li Sûriyê dike, bilind nirxand, û tekez kir ku dê Washington bi hevkarên xwe re di karê xwe yê ji bo pêkanîna pêşketinan di dosya girtî û binçavkiriyên kotekî de li Sûriyê di çarçoveya Komeleya Giştî ya Netewên Yekbûyî de berdewam be.
Jêder: Ofîsa Ragihandinê ya Hevbendiya Niştimanî ya Sûrî
