Hevbendiya Niştimanî ya Sûrî, tekezî li ser piştgiriya xwe ya tam ji pirojeya biryara navdewletî re yaku dewleta Liechtenstein di ber 38 ji dewletên siponser de pûşkêş kiriye, derbarê sepandina lidarxistina civatekê di Komeleya Giştî ya Netewên Yekbûyî de, her cara ku têde VETO di Encumena Ewlekariyê de bikar tê kir.
Û Serokê Hevbendiya Niştimanî Salim Elmislit, di daxwiyaniyin taybet de îro sêşemê, got ku jikarêxistina Encumena Ewlekariyê tiştekî ku nema bêdengî li ser tê pejitandin, û divê karê Encumena ku berpisyariya misogerkirina ewlehî û aştiya navdewletî li seranserî cîhanê hildigre serrast bibe.
Û Elmislit diyar kir ku Rûsiya ji salan ve Encumena Ewlekariyê ji kar diêxîne, di riya bikaranîna mafê redkirinê VETO re yê ku 16 caran bo piştgiriya rijêma Esed û nehêlana gunehbarkirina wê di ber pêkanîna tawanên cengê yên berfireh dermafê gelê Sûriyê bi kar aniye, ew jî bû sedema ku derdora melyonek kes bibin pakrewan û jêrxaneya aborî ya welêt bête rûxandin û milîsên terrorist belav bibin.
Û Elmislit bal kişand ser ku Rûsiya tevaya pirojeyên biryarên ku rijêma Esed şermezar dikin derbarê bikaranîna çekên kîmawî li Sûriyê rawestandin, tevî ku rapor û lêkolînên navdewletî bikaranîna çekên kîmawî bêhtirî carekê diçespînin.
Û Elmislit bal kişand ser ku Rûsiya di riya gefên bikaranîna mafê redkirinê VETO re dariştina biryara derbasbûna alîkariyên mirovahî bo hewcedarên li sûriyê kontirol dike, û cext kir ku Rûsiya bazaran bi cîhanê re li ser doseyên mirovahî jî yên ku ji mafê herkesî ne û di ser danûstandinê re ne dike.
Jêder: Ofîsa Ragihandinê ya Hevbendiya Niştimanî ya Sûrî