Emîndarê Giştî yê Hevbendiya Niştimanî ya Sûrî Heysem Rehmê, tekez kir ku alîkariyên mirovahî bi tenê nayê wê wateyê ku doseya Sûriyê nehatiye jibîrkirin, jiber ku daxwazên sûriyan û doza wan siyasî ye, û bingeha wê daxwazên azadî û rûmet û rûxandina rijêma Esed û pêkanîna veguhastina siyasî li Sûriyê ye.
Û Alîkara Giştî ya Netewên Yekbûyî ya Karûbarên Mirovahî Joyce Msuya, hişyarî derbarê jibîrkirina kêşeya Sûriyê da Encumena Ewlekariyê ya Navdewletî, û tekezî li ser pêwîstiya dirêjkirina dema alîkariyan di rêya xalên sînorî re di heyva tîrmeha dahatî de kir.
û Msuya di rûniştina Encumena Ewlekariyê de yaku duh derbarê dawîtirîn pêşhatên siyasî û mirovahî di doseya Sûrî de li dar katiye, got: “Di dema ku berê cîhanê ketiye nakokiyên dîtir de, divê ku Sûriya nebe kêşeyeke jibîrkirî, ji ber ku bi melyonan Sûrî her heyvê têkoşînê dikin daku zindî bimînin.”
Û Emîndarê Giştî yê Hevbendiya Niştimanî bal kişand ser pêwîstiya şopandina bizavên berdewamiya derbaskirina alîkariyên navdewletî di riya xalên sînorî re, û got ku kêşeyên mirovahî yên ku li Sûriyê derketine ji encama hebûna rijêma tawanbar û berdewamiya wê li gel sponserên wê di kiryarên teroristî dermafê gelê Sûriyê de ye.
Û Rehmê tekez kir ku ji civaka navdewletî tê xwestin ku tirajîdiya gelê Sûriyê ya girêdayî hebûna rijêma tawanbar ji kok de çareser bike, di riya bidawîanîna hebûna vê rijêmê û sizakirina sembolên wê re, û ne tenê rêşûnên pînekirinê bike, û ew rêşûn ne alîkar bûn di bidawîanîna tirajîdiya sûriyan de, lê hîn di mana sûriyan di vê tirajîdiya demdirêj de alîkar bûn.
Û Rehmê ji civaka navdewletrî daxwaza piştgiriya pirosesa siyasî li Sûriyê bi awayekî cidî û vebir û yekser û cîbicîkirina biryarên navdewletî yên pêve girêdayî li gorî pilaneke demî eşkere kir, nemaze biryara Encumena Ewlekariyê 2254 bi tevaya xalên wê ve, daku veguhastina siyasî pêk bîne, û tirajîdiya bi melyonan sûriyên li Sûriyê û dewletên penaberiyê bidawî bîne.
Jêder: Ofîsa Ragihandinê ya Hevbendiya Niştimanî ya Sûrî
