Hevbendiya Niştimanî ya hêzên şoreş û rikberiya Sûriyê, carek din tekez kir ku armanc ji kiryarên koçbarkirina neçarî û pêkanîna guhertina demografîk yên ji aliyê rêjîma Esed dibin, ew ji bo parçekirina Sûriyê ye li ser binyateke regezî û tayîfî, û herwiha bo dîtina delîveyekê bo mana Bişar Esed carek din li ser desthilatê.
Ku rêjîma Esed hêjî berdewam e di neçarkirina xelkê li ser koçberkirinê ji navçeyên wan bi rêka dopêçkirina bajar û bajarokan, û paşî bombebarankirina navendên serekî û avahiyan bi êrîşên esmanî.
Li aliyekî din, serokê Hevbendiya Niştimanî Enes El’ebide û serokê komîta zagonî Heysem Elmalih û hin endamên desteya siyasî ligel serokê encûmena xwecihî ya Qudseya Ebû Mihemed û berpirsê pêgehandinê û têkiliyên giştî yê Elhamê, A’bid Elşamî re kom bûn, û di kombûnê de behsa tawankariyên rêjîma Esed û hevalbendên wê li herdu bajarokan û şopandina kiryarên danustandinan ligel rêjîmê hatin kirin.
Ebû Mihemed tekez kir ku rêjîm şêwazê tirs û bizdandina xelkê û handan wan li ser koçbarkirinê bikar tîne, û Elşamî ji aliyê xwe ve diyar kir ku avahiyên nişteciyan tên bombebarankirin bi bermîlên teqîner.
Hêjayê gotinê ye ku komîteya zagonî, nameyek ji sikirtêrê giştî yê NY û ji serokê encûmena asayîşa navdewletî re li ser kiryarên koçbarkirina neçarî û guhertina demografîk şandibû, û têde tekez kiribû ku rêjîma Esed û hevalbendên xwe xelkê Sûriyê têxin dibin nîrekî tirajîdîk û felaketgerî de têde paşeroj û yekparçeya Sûriyê dikeve dibin gef û metirsiyê de.
Jêder: Hevbendî
