Endamê Desteya Siyasî ya Hevbendiya Niştimanî ya Sûrî Mihemed Silo, bal kişand ser ku rijêma Esed ne tenê platformên siyasî û yaneyên çandî girtin, lê niha çi civîna mirovan ya bêyî rijêmê û derveyî kontirola hêzên wê yên ewlekarî, jêdera dilnearamiya desthilatên wê ye.
Û Silo di daxwiyaniyin teybet de derbarê serdegirtina navendên temaşekirina lîstina tîmên Kûpa Cîhanî ya topa pê li Şama paytext ji hêla hêzên rijêma Esed ve, got ku fobya civîna mirovan li bal rijêma Esed heye, eger ew civîn ji bo seryranê an tiştek têkildarî kêfxweşiyê wek çalakiyên werzişî be jî.
Û Silo bal kişand ser ku eger desthilatek ji komcivatên normal ên welatiyan bitorse, tê wê wateyê ku ew gihiştiye astên herî bilind di nebaweriya wê bi tevaya xelkê, lewra dibêje ku bêguman çi komcivateke mirovî derveyî kontirola wê dijî wê ye.
Û berê jêderên rojnamevanî yên xwecihî diyar kiribûn ku asayîşên rijêmê hejmarek ji serdegirtinan cîbicî kirin, û di nav de cihê kombûna ciwanan di qehwexaneyên gelêrî û xwaringeh û meydanên temaşekirina lîstikên tîmên Kûpa Cîhanê ya topa pê li paytexta Şamê terxankirî hebûn, û bidehan welatî girtin û hin jî ji bo leşkeriya neçar binçav kirin.
Û Malpera Dengê Paytextê anî ziman ku ji dema destpêkirina Kûpa Cîhanî di 20 heyva mdijdarê de, istixbarata rijêmê qehwexaneyên mezin li bajarê Şamê, yên ku xort serdana wan dikin ji bo şopandina maçên Kupa Cîhanî li Qeterê armanc dike, di riya dewriyeyên hevbeş yên polîsên leşkerî û şaxên ewlekariyê.
Û wê malperê girtina 35 welatiyên ku di rojekê de di dema maça Arjantîn-Erebistana Siûdî de di riya armanckirina park û qehwexaneyên gelêrî re tomar kir, û rijêmê rêbendên demkî li kolanên gundewarê Şamê danîn, hevdem li gel dewriyeyên peya û xalên pişkinînê yên ku zêdetir ji 200 ciwanî rawestandin, di dema hebûna wan li deverê de, û belgeyên wan ên paşdexistina çûna wan a leşkeriya neçar kontrol kirin.
Jêder: Ofîsa Ragihandinê ya Hevbendiya Niştimanî ya Sûrî
