Hevbendiya Niştimanî bi boneya nehemîn salvegera komkujiya ku rijêma Esed li gundê Resim Elnefel li gundewarê başûrê Helebê pêk aniye, cext kir ku berdewamiya hebûna vê rijêmê metirsî ye li ser gelê Sûriyê, çi li deverên rizgarkirî be an li deverên di bin kontirola wê de be.
Û Hevbendiya Niştimanî di daxwiyaniyeke rojnamevanî de derbarê komkujiyê got ku Komkujiya Resim Elnefel ya sala 2013yan, kîn û xwînrêjiya rijêma Esed û alîgirên wê eşkere kir, ji ber ku sivîl bi serjêkirinê kuştin û şewitandin û bi komî bidarve kirin, û di pey re ew avêtin kortekê mîna korta Taxa Eltedamun, daku bihêlin dayik bibînin ku çawa zarokên wan tên şewitandin bêyî ku karibin tiştekî ji wan re bikin, û di pey re bi heman şêweyî dayikan jî dikiujin, bi pêkanîna tawaneke cengê yaku nayê salxdan.
Û daxwiyaniyê got ku rijêma Esed rijêma qirkirinê ye, xwe dispêre serkutkirin, komkujî û girtina her kesê ku li dijî wê derketiye û siyaseta wê ya tawanbarî rexne kiriye, û rizgarbûna rijêmê ji sizayan hişt ku pêşiya xwe vala bibîne û hîn bêhtir tawanan dermafê gelê Sûrî yê şoreşger li curbecur parêzgehên Sûriyê pêk bîne, û milîsên mezhebî û rêxistinên terorist dijî gelê Sûriyê bikar bîne.
Û Hevbendiya Niştimanî tekez dike ku rijêma Esed kiryarên xwe bi dirêjiya salên berê neguhartin û nejî diguhêre, ji ber ku ew li ser terorê ava bûye, lewra dadgehkirina rijêma Esed û cîbicîkirina veguhastina siyasî li Sûriyê li gorî biryara Encumena Ewlekariyê 2254, di xizmeta tevaya sûriyan de ye, û dibe destpêka avakirina kartêker ya Sûriya nû, ya dê li ser bingeha azadî û dadmendî û rûmeta mirovan ava bibe.
Tê zanîn ku 208 sivîl di komkujiya Resim Elnefil yaku hêzên rijêma Esed berî neh salan pêk anîne hatibûn kuştin, û Tora Sûrî ya Mafên Mirovan 192 qurbaniyên wê komkujiyê belge kiribûn, 27 ji wan zarok û 21 jin bûn.
Jêder: Ofîsa Ragihandinê ya Hevbendiya Niştimanî ya Sûrî
