Cîgira Serokê Hevbendiya Niştimanî ya Sûrî Ruba Hebûş, di şiroveyeke xwe de got ku hîn daxwaza xelkê li Sûriyê zelal e, ew jî bidawîkirina rijêma Esed û avakirina Sûriyeke azad e, di riya cîbicîkirina biryara 2254 bi hemû hûrgiliyên wê ve, daku yekîtiya Sûriyê û piştgiriya daxwazên Sûriyan misoger bibin.
Û Cîgira Serok got ku rijêma tawankar şoreşa gelê Sûriyê veguherand cengeke navdewletî li dijî her Sûriyê ku daxwaza azadiyê kiriye, dema ku dagîrkeriya Rusya û Îranê û milîsên mezhebî û rêxistinên terorîst anîn.
Û Hebûş tekez kir ku ti riya çareseriyê bi serokê vê rijêma terorîst re nemaye, ji bilî bidawîkirina desthilata wî û dadgehkirina wî bi sembolên rijêma wî re, ji ber kuştina wan ji zêdetir ji milyonek Sûrî re û kuştina sivîlan bi gaza sarîn ya kîmawî û barandina bi sedên hezaran bermîlên teqîner bi ser Sûriyan de, û kuştina bidehhezaran di girtîgehan di bin îşkenceyê de, û girtin û birîndarkirin û koçberkirina bimilyonan.
Û Hebûş bal kişand ser pêwîstiya karê cidî ji bo cîbicîkirina qonaxa veguhestina siyasî li gor biryara 2254 ya Netewên Yekbûyî, û pêwîstiya berdewamiya dûrkirina rijêma Esed ji civaka navdewletî û asayînekirina têkliyan pê re, û cudakirina wê ji civînên navdewletî, û avakirina mîkanîzmeke nû ji bo alîkariyên mirovî pêşkêşî deverên rizgarkirî bikin, dûrî astengiyên Rusya yên dubare.
Û Hebûş di şiroveya xwe de piştgiriya xwepêşandanên gelên Îranê yên berdewam bi armanca ruxandina rijêma meleyan yên dixwazin hejmpna xwe li deverê berfireh bikin ji bo belavkirina pirojeya xwe ya mezhebî, anî ziman.
Û Cîgira Serokê Hevbendiyê têkçûna sincî û pirensîpî ya tevgera Hemasê piştî hevdîtina serkirdeyên wê bi Serokê rijêma tawanbar û terorîst re li Sûriyê şermezar kir, û tekez kir ku ev pêngava Tevgera Hemasê cîbicîkirina fermanên Îranê ye, û nûnertiya helwesta gelê Filestînî, yê ku di her derfetekê de reseniya xwe bi rawestana li kêleka gelê Sûriyê çesipandiye, nake.
Jêder: Ofîsa Ragihandinê ya Hevbendiya Niştimanî ya Sûrî
