Hevbendiya Niştimanî ya hêzên şoreş û rikberiya Sûriyê, Rûsiya bi pêkanîna tawanênnşer tometbar kir her ji destpêka destêwerdana wê ya keşkerî, ku dumahîk komkujiyên wê li bajarokê Elcirzî yê li gundewarê rojhilatê Dêrazorê bû, û bi sedema bombebarankirina firokên wê 23 sivîl şehîd ketin.
Hevbendiya Niştimanî duhî di daxuyaniyekê de, Rûsiya rasterast berpirsyar dît li hember pêkanîna tawanan û tevî piştgiriya wê ji rijêma Esed re li ser pêkanîna tawanên şer û cînosayîd û bikaranîna çekên kêmyayî û yên qedexekirî û diyar kir ku rojane li Sûriyê û ligel bêdengiya civaka navdewletî, gelek sivîl li ser destê dagîrkariya Rûsiya têne kuştin.
Ji aliyê çalakvanên gundewarê rojhilatê Dêrazorê li roja sêşemê (5’ê çiliyê pêşiyê) kuştina 23 sivîlan ji jin û zarokan û bi piranî ji xêzankê bûn li bajarokê Elcirzî hat dîkomînt kirin, û ligor raportan, ku taxekî nişteciyan û hin cihên bazarganiyê li nêzîk mizgefta bajarok û barhilgirek hatin armanc kirin, ku barhilgirê hin koçber bar dikirin, yên bazdidan ji bombebarankirin û êrîşên bitewşî yên cudahiyê nakin di navbera sivîl û ne sivîlan de.
Hevbendiyê di daxuyaniya xwe de daxwaza şermezarkirina komkujiyê û tawanbarên wê û duvçûna her tawanbarekî şer bi hemû awayan û karê rijd ji bo parastina sivîlên Sûrî bi awayekî bilez ji Encûmena Ewlehiya Navdewletî kir.
Hevbendiyê tekez kir ku ev komkujî û tevî zincîreke dirêj ji komkujiyên din, dibin komeke binpêkirinan li ser rêkeftinên navdewletî yên girêdayî bi parastina sivîlan û misogerkirina parastina wan di demên şer de, û dikevin di xaneya armanckirina sivîlan ya bimebest de, lewra pêwîst e lêpirsîn û dagehkirin ligor yasa navdewletî li ser bibin. Jêder: Ofîsa Ragihandina Hevbendiya Niştimanî
