Hevbendiya Niştimanî ya Sûrî, tekez kir ku tawanên Rusya dijî sivîlan li Sûriyê hevdem li gel bombebarankirina hêzên Rusya li Okranya berdewam in, û cext kir ku Botîn tenê ji zimanê hêzê fêm dike, û tu diyalog nikare wî rawestîne, an tawanên wî bidawî bîne.
Û Endamê Hevbendiya Niştimanî Eymen Elasimî, got ku hêzên Rusya û yên rijêma Esed ji êvara Duşemê ve êrîşên asmanî dijî deverên sivîlan li gundewarê Helebê û Idlibê pêk tîne, û di encamê de sivîl bûn qurbanî, zarok û jin di nav wan de hebûn.
Û Elasimî ev êrîşa terorîstî şermezar kir, û dît ku ev yeka ji ber hestê bêhêvîbûnê ye, piştî êrişên êşdar li ser hêzên Rusya ji aliyê Okranya ve, û hêvîşkestina Botîn ji serkeftina plana wî ya kontrolkirina Okranya.
Û Elasimî bal kişand ser wê yekê ku nûkirina bombebarana Rusya dijî sivîlan li Sûriya û Okrayna, dijderketina cîhanê ye, û hemû rêgez û yasayên ku ji aliyê Netewên Yekgirtî û Encumena Ewlekariyê ve hatine dariştin binpê dike, û tekez kir ku ji bilî hêzê ti tişt nikare Botîn rawestîne, û daxwaza piştgiriya Artêşa Niştimanî ya Sûrî ji bo rûbirûbûna hêzên Rusya û rijêmê kir.
Û Çalakvanan gotin ku balafirên cengê yên Rusya gelek êrîşên asmanî birin ser taxên niştecihbûnê li gundewarê rojavayê Idlibê, têde mûşekên valahiyê bi kar anîn, û li kêlek qurbaniyan ziyanên madî di malûmilkan de hebûn.
Tê zanîn ku duh êvarî, topên Hêzên Rijêmê û Rusya malên nişteciyan û holeke dawetan li gundê Ebzîmo li gundewarê Helebê armanc kirin, û di encamê de zarokek hat kuştin û diya wî bi giranî birîndar bû, li gorî berevaniya sivîl ya Sûrî.
Û Bergiriya Sivîl bal kişand ser ku nêzîkî 50 malbatî ji kampa “Elber” li derdora gundê Kefir Kermîn li gundewarê Helebê, di rewşeke tirsnak de dijîn, ji encama topbarandina hêzên rijêmê û Rusya yên ku kamp armanc kirine, û ziyan gihandine konan.
Jêder: Ofîsa Ragihandinê ya Hevbendiya Niştimanî ya Sûrî