Şandek ji Hevbendiya Niştimanî ya hêzên şoreş û rikberiya Sûriyê, ji serokê wê Riyad Sêf û hejmarek ji endamên desteya siyasî pêkhatibû, serdana gundewarê Helebê û navçeya mertala Feratê kir, û serdan duhî bi dawî bû û têde hevdîtin ligel encûmenên xwecihî û fermandarên leşkerî û dezgehên xizmetgozariyê yên navçeyê hatin pêkanîn.
Şanda Hevbendiyê di serdanê de ligel encûmena xwecihî ya bajarokê Elra’î û fermandariya feyleqê 2em civiya, û serdana navenda piştgiriya alîkariyan kir ji bo ji nêzîk ve li ser pirosêsa dabeşkirina alîkariyan û pêdawestiyên hemwelatiyan rawestin, ku rojane 225 ton ji ard û xwarinê belav dibe li ser navçeya mertala Ferat, û herwiha şanda Hevbendiyê serdana cihê nexweşxaneya pêşketî ya bi piştgiriya hikûmeta Tirkiyê ava dibe û ji 300 textan pêktê kir.
Herwiha şanda Hevbendiyê di serdana xwe de, têklî danîn ligel dezgehên xizmetgozariyan ji xelkê navçeyê re pêşkêş dikin, ji bo karakirina jêrxana bingehîn ya navçeyê, nemaze piştî rizgarkirina wê ji terora rijêma Esed û rêxistina DAIŞ’ê.
Şanda Hevbendiyê di serdana xwe ya hin navçeyên welêt de, li ser bizavên birijdî têne terxankirin ji aliyê hemwelatî û dezgehan ve ji bo vegerandina jiyanê, ku dibe peyamek ji xelkê Sûriyê û derve re, da kesên xudan pisporî û şiyan vegerin navçeyên rizgarkirî ji bo di pêşkêşkirina ximetgozariyan û gerandina kargeh û karakirina veberhemhênê de beşdar bibin, nemaze li jêr sîbera ewlihiyê ya niha li navçeya mertala Feratê heye.
Jêder: Ofîsa Ragihandina Hevbendiya Niştimanî