Çend xwepêşindan li gundên rojhilatê bajarê Minbicê yê bi ser parêzgeha Helebê ve derketin, û her weha dikanên bazirganiyê yên bajêr karê xwe rawestandin, ji bo redkirina yasaya leşkeriya neçar ya ko milîtanên QSD feriz kirine.
Çalakvanan gotin bi dehan sivîl beşdarî xwepêşindanên gundên Hudhud, Elyasitî, Eyûş û Eyn Elnexîl bûne, û daxwaza ‘’ruxandina encûmena yasayî ya bi ser QSD ve kirin‘’ ya ko yasaya leşkeriya neçar erê kiriye.
Çalakvanan gotin ko milîtanên QSD êrîş dikanên bazara sergirtî û bazara Elselalîn kirin, ko ev herdu mezintirîn bazarên bajêr in, û xwedanên dikanan mecbûrî kar kirin.
Çalakvan Selîm Mistefa ji acansa Simart re got ku ‘’ wan xwepêşindan kirine wek piştgiriyê ji sivîlên Minbicê re li dijî vê biryara leşkeriya neçar û stema QSD. ‘’
Her weha roja şembiyê li bajarê Cerablis û Minbic xwepêşindan derketin bo pirotestokirina yasaya Leşkeriya Neçar ya piştî civîna di nav Encûmena yasayî ya bi ser QSDê ve, û şêxên eşîran de.
Li dora 50 çalakvanî rawestaneke pirotestokirinê nêzîk nexweşxana Elehlî li bajarê Ezazê bakurê Helebê pêkanîn, têde dirûşmên pirotestokirinê û redkirina yasaya leşkeriya neçar ya ji hêla milîtanên QED ve li ser niştecihên Minbicê feriz kirine, hildan.
Berê jî milîtanên QSD sala borî bi dehan xort ji bajarê Eyn Elereb “Kobanî” li Helebê girtine di operasiyona leşkeriya neçar de, her weha wan hêzan operasiyonên girtinê li herêmên bin kontrola xwe de li Helebê, Reqa û Hesekê pêk anîne.
Jêder: Nivîsgeha Ragihandinê ya Hevbendiya Niştimanî/Simart
