Hevbendiya Niştimanî ya Sûrî, Tawana kuştinê ya metirsîdar ya ku li îyaleta Edenê bi pilandanîn ji aliyê grûpek ji tawankaran ve pêk hatiye şermezar kir, û bal kişand ser ku bêguman gotara nefret û nijadperestiyê li dijê penaberan ya ku hin alî û kes li ser dixebitin, penaberan dixe bin fişarên derûnî yên mezin de, û wan û malbatên wan tûşî gefan dike, û gelek caran jiyana wan dixe metirsiyê de, û ew gotar bûye sedema hejmarek ji tawanên kuştinê, mîna vê bûyera cihê şermezariyê ya li vê dawiyê, ya ku bûye sedem ku ciwanê bi navê Ehmed Mederatî jiyana xwe ji dest bide.
Û Hevbendiya Niştimanî di daxwiyaniyeke rojnamevanî de got ku berdewamiya vê gotara nijadperestî li ser alavên media civakî û hinek ji amûrên ragihandinê, bê ku rê li pêş were girtin, dê bibe sedema zêdekirina tawanên nefret û nijadperestiyê ya ku ew alî û endamên ku li ser nefretê bi awayekî berdewam dijî penaberan dixebitin berpisyariya wê hildigrin.
Û daxwiyaniya Hevbendiya Niştimanî got ku gotara nefretê û cudakirina nijadperestî, bi çi awayî derbirîna nirx û sincên bêhtirê gelê Tirkiyê yê cîran nake, ji ber ku wan ji bona Sûriyên ku ji ber kuştin û wêrankirinê reviyane û xwe li Tirkiyê girtine, gelek tişt pêşkêş kirin, û nimûneya ku vê yekê piştrast dike ew e xwepêşandanên ku hejmarek ji tirkan bo piştgiriya penaberan û li dijî nijadperestiyê li bajarê Stanbolê di roja 16 êlona niha de derketine.
û Hevbendiya Niştimanî di daxwiyaniya xwe de rola wan bizavan, çi li ser asta gel an hikûmetê be, di nehêlana gotara nefretê de ya û ku dijîtiya penaberan dike û bi taybetî penaberên Sûrî bilind nirxand, û bal kişand ser wê yekê ku Komara Tirkiyê dewleta yasa û dadweriyê ye, û em tev bawer in ku dadmendî dê rola xwe di sizakirina tawanbaran û cîbicîkirina dadweriyê de bileyze, û em ê bo gelê xwe bi erkê xwe rabin, û em ê bi pêngavên yasayî yên pêwîst bo şopandina vê dozê ta derketina fermanên dawîn ên dadmend dermafê tawankaran rabin.
Û Hevbendiya Niştimanî bal kişand ser ku hebûna awarte ya Sûriyan li welatên curbicur ên cîhanê, zêdebûneke erînî û resen û balkêş ji civakên ku têde dijîn re ye, ji ber tiştên ku sûrî pê têne naskirin, wek pabendiya bi yasayên dewletan, her wiha cidîtî û berhemdariya wan a bilind di karên ku pê radibin de, û pisporiya ku wan pêşxistiye di beşên bijîşkî, endazyarî, kîmya û yên din de, her wiha veberhênana ku karsazên Sûrî li welatên ku mêvandariya wan dikin pê radibin.
Û Hevbendiya Niştimanî tekez kir ku take-rêya misogerkirina vegera penaberan bi awayekî rûmetdar û ewle û ji ber xwe ve bo welatê xwe yê wek maka wan e, dê di riya gihiştina çareyeke siyasî ya berfireh li Sûriyê re be, ya ku dighêje cîbicîkirina tam a biryara Encumena Ewlekariyê hejmar 2254 (2015)
Û Hevbendiya Niştimanî ya Sûrî sersaxiya malbat û dostên ciwanê Sûrî yê bûye qurbaniyê tawankariyê Ehmed Mederatî, û tevaya gelê Sûriyê kir, û hêvî ji Xwedê kir ku rehmetî bi dilovaniya xwe şad bike, û di beheştê de bicih bike.
Jêder: Ofîsa Ragihandinê ya Hevbendiya Niştimanî ya Sûrî
