Hevrêzkarê Ofîsa Karûbarê Penaber û Derbideran ya Hevbendiya Niştimanî ya Sûrî Ehmed Bekûra, careka dî tekez kir ku hîn Sûriya ji vegera penaberan re ne ewle ye, bi sedema metirsiya li ser wan heye ji ber binpêkirin û tawanên ku hêzên rijêmê dermafê sivîlan pêk tînin, û daxwaza hewildanên pêwîst ji civaka navdewletî kir ji bo pêkanîna veguhestina siyasî ya tam li welêt.
Û Bekûra di daxwiyaniyin taybet de, îro roja înê, bal kişand ser ku rapora nû ya ji hêla Tora Sûrî ya Mafên Mirovan derbarê girtina penaberê ku vegeriyaye deverên di bin kontrola rirêmê de û ji hêla hêzên rijêmê ve ta mirinê hatiye îşkencekirn, tekez dike ku rewş ji vegera penaberan re ne guncav e, berî gihiştina çareya siyasî ya ku veguhestina siyasî li gorî biryarên navdewletî û di pêşî de herdû biryarên 2118 û 2254 pêk bîne.
Û Bekûra hişyarî ji neçarkirina penaberên Sûrî li ser vegera ber bi deverên rijêmê de da, û got ku ew kiryar binpêkirin e ji yasaya navdewletî û biryar û pîvanên taybet bi mafên mirovan re, û jiyana kesên vegeryayî dixe metirsiyê de, çi bi rêya girtinê an windakirina kotekî û îşkenceya ta mirinê re be.
Û Tora Sûrî ya Mafên Mirovan, di rapora xwe ya ku îro roja înê derketiye de, got ku ciwanê bi navê Edhem Husên Cidîd, ji xelkê bajarokê Medaya yê ser bi gundewarê Şamê ve, di 15/8/2022an de li nêzîkî dergehê Keseb yê sînorî li gundewarê Laziqiyê dema ku ji Tirkiyê vedigeriya Sûriyê ji bo rewşa xwe ya ewlekarî serrast bike û vegere devera xwe ya resen, ji hêla hêzên rijêmê ve hat girtin.
Û Tora Mafnasî bal kişand ser ku dawîn serdana malbata wî jê re, di heyva îlona îsal 2023an de, di zîndana Sêdnaya ya Leşkerî de li parêzgeha gundewarê Şamê bû, piştî ku pereyin pir di riya navgînênên ser bi rijêmê ve re dan, wê demê Edhem di rewşeke tenduristî ya xirab de bû, ji ber ku bi awayekî hovane rastî îşkencekirinê hatibû, û ji xwarinê bêpar bibû, û guhdana tenduristî di heyama binçavkirinê de pê tune bû, û şûna îşkencekirinê li ser govdeyê wî hebû.
Û Tora Mafnasî diyar kir ku malbata Edhem di 14 vê heyvê de, dema ku hewl didan rêyekê ji bo sardana wî bi dest bixin, agahiyên mirina wî di zîndana Sêdnaya de, bi awayekî ne fermî wergirtin, bêyî ku karibin termê wî werbigrin.
Jêder: Ofîsa Ragihandinê ya Hevbendiya Niştimanî ya Sûrî
