Hevbendiya Niştimanî ya Sûrî, pîrozbahiya gelê Sûriyê bi boneya bîranîna heftê û heftemîn Cejna Derketina Degîrker ji welêt kir, û dît ku ev bone sûriyan han dide ser berdewamiya xebatê dijî rijêma Esed ta pêkanîna daxwazên xwe di azadî û rûmet û demoqrasiyê de.
Û Hevbendiya Niştimanî di daxwiyaniyeke xwe de tekez kir ku cejna Derketina Dagîrker ya ku gelê Sûriyê bi qurbanî û pêdarî û gernasî di 17 nîsana 1946an de xêz kir, û bû guhertineke girîng di dîroka Sûriyê de, têde serxwabûna xwe bi dest xist, û qonaxeke nû dest pê kir, û piştî têkoşîn û xebateke dirêj serkeftin ragihand.
Û Hevbendiya Niştimanî bal kişand ser ku bibîranîna keda gelê Sûriyê di wê demê de ji bo serxwebûnê, Sûriyan han dide ku têkoşîna xwe di şoreşa Sûriyê ya gewre de li hember rijêma Esed berdewam bikin, ta azadiya xwe bi dest bixin, û bigihêjin Sûriyeke nû ya li gorî daxwazên Sûriyan, û têde nirxên azadî, dadwerî û jiyana birûmet cî bigrin.
Û Hevbendiya Niştimanî got ku desthilatdariya rijêma Esed li Sûriyê ji berî bêhtir ji pêncî salî de dagîrkeriyeke rasteqîn e ji gelê Sûriyê re, û paşxistinek e ji şaristanî û dîroka wî re, û vê rijêma tawankar pîstirîn kiryar û riftarên dagîrkeriyê di dîrokê de bikar anîn, û azadî serkut kir, û piralîbûna siyasî nehişt, û partiyên siyasî qedexe kirin, û hêzên sivîl û civakî asteng kirin, û rengê welat kir wek yê rêbaza xwe ya hov û paşvemayî û serkutkar, û kar li ser talankirina samanên welêt bo malbata Esed û yên pêve girêdayî ji qata gendelan kir, û dezgehên wê yên ewlekarî hîna jî kabûs in li ser sînga Sûriyan, û bûye sedema koçberkirina bi sedan ji kesên şareza û pisporên Sûrî, û kesên bijartî di warên çandî û siyasî de ji navendên biryardanê dûr xistin.
Û Hevbendiya Niştimanî cext kir ku gelê Sûriyê, îro, li hêviya pêkanîna serxwebûneke nû ye ji rijêma Esed û hevalbendên wê, ji ber ku wê rijêmê welat radestî Rusya, Îran û milîsên mezhebî kir, û gelek deverên Sûrî yên ku di bin kontrola wê de radestî wan kirin, da wan li ser beşdarbûna wan di tawanên li dijî gelê Sûriyê yê azadîxwaz, xelat bike.
Û Hevbendiya Niştimanî ji civaka navdewletî xwest ku bi awayekî cidî û rasteqîn piştgiriya daxwazên gelê Sûriyê bike, da serxwebûna xwe misoger bike, û wî ji tevaya hêzên dagîrker ên ku rijêma Esed anîne rizgar bike, bi rêya cîbicîkirina biryarên navdewletî yên girêdayî Sûriyê, nemaze biryara 2254, û rawestandina berepêkanên ku dosyaya Sûriyê aloztir kirine, û bi dirêjkirina temenê derdeseriya mirovahî birînên sûriyan kûr kirin.
Jêder: Ofîsa Ragihandinê ya Hevbendiya Niştimanî ya Sûrî
