Sekretêrê Desteya Siyasî ya Hevbendiya Niştimanî ya Sûrî Ebdulmejîd Berekat, xweşhaliya xwe bi tuhmetên ku dadgeheke Amerîkî arasteyî du berpirsên pilebilind ên rijêma Esed kirine anî ziman, û tekezî li ser giringiya berdewamiya dadgehkirina tawankarên cengê û dadpirsîna wan kir.
Û Berekat tekez kir ku dadgehkirina tawankarên cengê beşekî bingehîn e ji biryarên navdewletî yên girêdayî pirsa Sûriyê, û di serî de daxwiyaniya Cenêvê û biryarên 2118 û 2254an, her weha ev gaveke girîng e ji bo pêkanîna daxwazên gelê Sûriyê û cîbicîkirina veguheztina siyasî ya ku ewlehî û aramiyê li Sûriyê û herêmê vegerîne.
Û Berekat bal kişand ser pêwîstiya berdewamkirina kar li ser dadgehkirina tawankarên cengê û çespandina tuhmetên li dijî wan, û dît ku ev yek gaveke girîng e ji bo rêgirtina li ber her hewlekê ji bo biserxistina rijêma Esed û sembolên wê.
Tê zanîn ku dadgeheke Amerîkî Cemîl Elhesen û Elî Memlûk bi berpirsyariya bi kuştina Leyla Şwêykanî di sala 2016an de di zindaneke rijêmê de tuhmetbar kirine, û ev yekem doze ji vî cûreyî piştî derketina biryarên dadgehê li hejmarek ji dewletên Ewropayê.
Û hêxên ewlekarî yên rijêmê di sala 2016an de, Şwêykanî ya bîst û heşt salî ya xwedana du regeznameyan e, ya Sûrî û ya Amerîkî, li bajarê Şamê girtibûn, û çalakvanên mafnasî diyar kirin ku agahiya mirina wê hate zanîn, piştî ku navê wê gihişt ofîsa nifûsê, wek heman rewşa bihezaran qurbaniyên di zindanên rijêmê de jiyana xwe ji dest dane.
Jêder: Ofîsa Ragihandinê ya Hevbendiya Niştimanî ya Sûrî